Мінімум 90 тысяч — столькі расійскіх салдат загінула на вайне з Украінай
Гэта тыя загінулыя, чые імёны вызначылі журналісты «Бі-бі-сі» і «Медыязоны». Пры гэтым рэальная колькасць загінулых расійскіх вайскоўцаў можа быць ад 138 тысяч да 200 тысяч чалавек.
Журналістам вядомы імёны 90 019 загінулых расійскіх салдат на вайне з Украінай.
23% усіх загінулых — гэта значыць практычна кожны чацвёрты — гэта тыя, хто падпісаў кантракт ужо пасля пачатку вайны.
Для параўнання, да лістапада 2023 года добраахвотнікі складалі толькі 14% ад агульнай колькасці страт.
Сярэдні ўзрост загінулых у 2024 годзе, паводле ўдакладненых звестак, склаў 36 гадоў. Гэта больш, чым у першыя два гады вайны.
17% усіх вядомых загінулых — гэта зняволеныя, якія з'ехалі на фронт з папраўчых калоній. 12% загінулых былі мабілізаванымі.
З кастрычніка 2023 года журналісты фіксуюць рэзкі і стабільны рост страт сярод добраахвотнікаў. Пры гэтым доля зняволеных паступова зніжаецца.
Найперш гэта звязана з тым, што цяпер на фронт чалавека спрабуюць адправіць яшчэ да суду. Летась Дзярждума аформіла законы, якія дазваляюць прыпыніць крымінальную справу, калі абвінавачаны падпісаў кантракт з войскам. Такіх людзей улічваюць як добраахвотнікаў.
Каментары