Блогерка-ябацька выйшла замуж за прапагандыста з «Мінскай хвалі»

Жаніха сабе дзяўчына выбрала тых жа палітычных поглядаў. Васіль Данілаў працуе прапагандыстам на радыё «Мінская хваля». Сярод рубрык з яго ўдзелам ёсць, напрыклад, падкаст «Не мяшкі варочаць». У ім Данілаў з простымі, але ідэалагічна выверанымі людзьмі, абмяркоўвае розныя тэмы — ад абстаноўкі на заходняй мяжы Беларусі да выбараў у ЗША.

@nashaniva Блогерка-ябацька выйшла замуж за прапагандыста #беларусь #нашаніва #выборы #лукашенко #забатьку #минск #ябатька ♬ Funny video "Carmen Prelude" Arranging weakness(836530) - yo suzuki(akisai)

У адрозненне ад іншых прапагандыстаў, якія рабілі сёлета маштабныя і вельмі дарагія вяселлі, (напрыклад, рэпарцёрка БТ Лідзія Заблоцкая і вядучая Анастасія Рудская), гэтая пара зрабіла ўсё сціпла. Спачатку схадзілі ў ЗАГС Цэнтральнага раёна Мінска, потым Сцюша Тайм крыху патанчыла непадалёку ад цырка і паспявала з сяброўкай песню Ірыны Алегравай «Свадебные цветы», а потым невялікая кампанія пасядзела ў кафэ «Бярозка».

Павялічыць

Павіншаваць маладзёнаў у каментарыях у інстаграме паспяшаліся ўсе зоркі прапаганды — ад Канстанціна Прыдыбайлы да Алены Ланской.

Нагадаем: Сцюша (сапраўднае імя Настасся Савіцкая) пачала займацца блогінгам яшчэ да 2020 года, але заўважылі яе дзякуючы праявам «патрыятызму».

Як казала сама дзяўчына, у жніўні 2020 года яна не змагла змаўчаць, хоць да гэтага займалася забаўляльным кантэнтам.

«У мяне маці і бацька педагогі, былі ў выбарчай камісіі. Пачаўся жахлівы хейт, пагрозы. Тады сказала бацькам: «Не хвалюйцеся, я профі, год у інтэрнэце», — і пачала запісваць ролікі», — расказвала блогерка ў адным з інтэрв'ю.

Дзяржпрапаганда яе заўважыла. Так са студзеня 2021 года пачалася яе тэлевізійная кар'ера на СТБ. Паралельна з працай на тэлеканале дзяўчына працягвала ўдзельнічаць у праўладных мерапрыемствах і аўтапрабегах. Настасся выкладала фоты з Наталляй Эйсмант і відэаабдымкаў з Лукашэнкам.

На чацвёрты дзень пасля пачатку вайны Сцюша апублікавала відэа, дзе пазіруе з расійскім сцягам пад трэк Алега Газманава «Вперёд, Россия!» (цяпер яно недаступна).

З часам месца для «патрыятычнага» кантэнту ў стужках Сцюшы Тайм амаль не засталося. Вясною мінулага года завяршылася і тэлевізійная кар'ера дзяўчыны.

Настасся пайшла ў бізнэс. У шапцы профіля ў інстаграме яна называе сябе экспертам па прасоўванні бізнэсу і асабістага брэнду ў СМІ і сацыяльных сетках. Але ж яе працоўная кніжка ляжыць на тым самым радыё «Мінская хваля», дзе працуе яе цяпер ужо муж Васіль Данілаў. Анастасія Савіцкая афіцыйна працуе там спецыялісткай па развіцці.

Павялічыць

• 1
• 3
• 4
• 24
• 1
• 0
• 8
• 0