Дзіма Білан прыехаў з падарункамі ў анексаваную «ДНР». Тры тыдні таму ён прасіў прабачэння за ўдзел у так званай «голай» вечарыне.
Як паведамляюць данецкія паблікі, спявак наведаў дзіцячае аддзяленне траўматалогіі ў Данецку і перадаў дзецям падарункі. Таксама Білан паабяцаў дапамагчы з лячэннем і пратэзаваннем удзельнікам расейскага ўварвання ва Украіну і перадаў дзіцячаму сацыяльнаму цэнтру ў Горлаўцы кандыцыянеры.
Таксама ён перавёў тры мільёны рублёў прытулку для бяздомных жывёл, а з іншага прытулку ў Макееўцы забраў ката па мянушцы Шахцёр.
20 снежня 2023 года Дзіма Білан удзельнічаў у «амаль голай» вечарыне Насці Іўлеевай у клубе «Мутабор». Пасля таго, як на мерапрыемства паскардзіліся праўладныя актывісты, яго госці і арганізатары пачалі масава запісваць відэа з выбачэннямі.
Дзіма Білан вядомы сваёй падтрымкай вайны ва Украіне. У сакавіку 2022 года Білан апублікаваў пост, у якім нагадаў пра свой патрыятызм і заявіў на фоне вайны, што ганарыцца і захапляецца Расеяй.
Артыст прадстаўляў Расею на конкурсе песні «Еўрабачанне»: у 2006 годзе заняў другое месца, а ў 2008 годзе стаў пераможцам конкурсу.
Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог13
Каментары