Тэлефоны папулярнага брэнда павінны паступіць у продаж з дня на дзень.
Адразу некалькі прадаўцоў распавялі Tochka.by, што ў Мінск вязуць апошнюю мадэль iPhone.
Праўда, колькі прыйдзецца выкласці, каб стаць уладальнікам тэлефона з лінейкі iPhone 15, сказаць складана.
Адзін з прадаўцоў кажа, што гэта стане ясна, калі тэлефон прывязуць у нашы крамы. Дарэчы, прыехаць «яблык» павінен літаральна сёння, 23 верасня. Прычым у дастатковай колькасці, удакладніў прадавец.
Хуткае з'яўленне iPhone у Мінску пацвердзіў і прадстаўнік іншай кампаніі. Праўда, тэрміны ахарактарызаваў расплывіста: «з дня на дзень». Да таго ж едзе ў краму невялікая партыя: літаральна некалькі адзінак.
Фанатам Apple варта ўлічыць і тое, што некаторыя беларускія сайты будуць прапаноўваць тэлефон амерыканскай версіі, то-бок без фізічнай sim-карты, толькі з eSIM.
Да таго ж у першыя тыдні продажаў цану на Apple 15 Pro Max з 512 Гб памяці чакаюць надзвычай высокую: каля $4500 (14,7 тысячы рублёў). Далей яна можа імкліва падаць, а мадэльны шэраг — пашырацца. Так, цяпер у краму вязуць тэлефоны літаральна ў некалькіх колерах: Natural Titanium і White Titanium.
Далей кошт iPhone можа знізіцца да $2000 (6500 рублёў).
Але і гэтую суму ў вядомай «яблычнай» краме назвалі завышанай. Так, прыезд новай лінейкі Apple тут анансавалі на наступны тыдзень, а цэны на мадэль Pro — у $1500-$2000 (менш за 4900-6500 рублёў), да канца ж месяца прагназуюць зніжэнне да $800-$900 (менш за 2600-2900 рублёў).
Купіць новенькі тэлефон прапануюць і на адной з папулярных анлайн-пляцовак. Праўда, па папярэднім заказе, даставіць абяцаюць на працягу 20 дзён. Цана на iPhone 15 Pro Max на 256 Гб усталявалася тут на ўзроўні ў 5400 рублёў.
Каментары
📱Цана «Айфона 15 Про Макс» на 256 ГБ у ЗША прыкладна ад 1200$, у Расеі — і гэта праз шэры паралельны імпарт! — ужо 2000 даляраў. А ў РБ даражэй яшчэ мінімум на 140 зялёных. Во дзе лашшо!