У сталіцы Зімбабвэ Харарэ гатовыя паставіць помнік «перамозе Савецкага Саюза над фашызмам у Вялікай Айчыннай вайне», паведамляюць расійскія і беларускія дзяржаўныя СМІ, падкрэсліваючы, што такі помнік будзе «першым на афрыканскім кантыненце».
Паводле слоў Джозэфа Нкані, афіцыйнага прадстаўніка Музея афрыканскага вызвалення, у якім збіраюцца паставіць помнік, ён мае стаць «адным з цэнтраў мемарыяльнай экспазіцыі «Горада вызвалення».
Зімбабвійскі музейшчык бачыць сімвалізм у тым, што манумент будзе стаяць на ўзгорку пры ўездзе ў Харарэ з захаду, і праводзіць пры гэтым гістарычныя паралелі:
«Гітлераўскія полчышчы ўварваліся ў Савецкі Саюз у 1941 годзе менавіта з захаду, як і паўстагоддзя да гэтага — Брытанскі экспедыцыйны корпус у [нашу] краіну. Ворагаў нашых народаў у выніку чакаў адзін і той жа ганебны канец».
Прытым нібыта «менавіта поўная параза, якую нанёс СССР гітлераўскаму фашызму, натхніла афрыканцаў на вызваленчую барацьбу, дала надзею скінуць каланіяльнае ярмо».
Зімбабвэ — адна з тых афрыканскіх краін, якая мае моцныя палітычныя сувязі з рэжымамі Пуціна і Лукашэнкі, паміж імі спрабуюць завязваць і эканамічныя ўзаемаадносіны, многія аспекты якіх — непублічныя, якія вядуцца, напрыклад, праз кампаніі, звязаныя з афіліяваным з лукашэнкаўскім рэжымам бізнэсменам Аляксандрам Зінгманам.
Нацыянальнай валютай у Зімбабвэ цяпер будзе золата
Прэзідэнту Зімбабвэ падарылі ноўтбук «Гарызонт»
Прэзідэнт Зімбабвэ доўга не мог завесці трактар ад Лукашэнкі ВІДЭА
Беларускія сілавікі будуць перадаваць вопыт зімбабвійскім
«Дапамагла сабраць рэкордны для Зімбабвэ ўраджай». Пра што гаварылі ў сваіх навагодніх зваротах рэгіянальныя чыноўнікі
Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог13
Каментары