У інтэрв'ю інтэрнэт-выданню «Українська правда» кіраўнік Галоўнага ўпраўлення разведкі Мінабароны Украіны Кірыл Буданаў выказаў упэўненасць, што расійскія войскі больш не нападуць на Украіну з тэрыторыі Беларусі.
«Ці памятаеце 20-ы год? У іх была рэальная рэвалюцыя, народ паўстаў страшэнна. А чаму падчас поўнамаштабнай вайны нічога ў іх не адбываецца? Ëн настолькі прыдушыў свой народ?» — спытаў Буданава карэспандэнт.
Буданаў: Па-першае, сур'ёзна прыдушылі, гэта праўда. А па-другое, прычым тут вайна ва Украіне? Вайна ва Украіне пужае беларусаў. Ім жа які асноўны пасыл робяць: вы што, хочаце, як ва Украіне? Гэта ж страшна.
УП: Якую ролю ў гэтай вайне выконвае Лукашэнка?
Буданаў: Канкрэтызуйце пытанне.
УП: Скажам так. Ëн як медыйны чалавек…
Буданаў: Ëн пятляе [смяецца]. Вось што я магу сказаць. Ëн пятляе.
УП: Яму ўдаецца?
Буданаў: Так, яму ўдаецца. Гэта цалкам яму ўдаецца. Калі б ён не быў такім хітрым, мы мелі б ужо вайну і з Беларуссю, і з тэрыторыі Беларусі, якую б проста выкарыстоўвалі б расіяне. Гэта нават нам у плюс. Не трэба адбельваць гэтага чалавека, але тое, што ён не дапусціў пасля тых страшных падзей зімы і вясны 2022 года, не дапусціў нават спробы паўтарэння, гэта таксама праўда, трэба аддаць належнае гэтаму чалавеку».
Вось гэты эпізод на відэа:
Гэтыя выказванні Кірыла Буданава выклікалі рэзкую крытыку праекта «Беларускі гаюн», які адсочвае беларускую і расійскую вайсковую актыўнасць у Беларусі.
«Гэтай фразай топавы ўкраінскі чыноўнік транслюе лжывы пасыл, быццам толькі дзякуючы Лукашэнку УС РБ яшчэ не ўступілі ў вайну, падаючы Лукашэнку міратворцам, які хоць неяк кантралюе сітуацыю. А факт у тым, што Лукашэнка не адказвае за тое, ці будзе ўварванне з тэрыторыі Беларусі, ці не будзе, ці будуць УС РФ у Беларусі, ці не і гэтак далей», — піша ў сваім каментары «Беларускі Гаюн».
«Магчыма, кіраўнік украінскай выведкі проста забыўся, што да 24.02.2022 менавіта Лукашэнка неаднаразова абяцаў, што «ніколі з Беларусі не атакуюць Украіну», тое ж казалі і ягоныя чыноўнікі за пару дзён да ўварвання. Менавіта Лукашэнка тэрарызуе сваякоў беларускіх добраахвотнікаў, якія ваююць за свабоду Украіны. Многія з іх аддалі свае жыцці ў барацьбе з акупантамі, якіх Лукашэнка і падтрымлівае. Ці варта аддаць яму належнае за гэта?» — рытарычна пытаецца «Гаюн».
Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог13
Каментары
Гэта ж трэба так бессаромна заплюшчыць вочы на тое, як сіняпал абяцаў што напады не будзе, але схлусіў.
Ніякай вайны з Беларуссю не было б, бо гэта было б канцом яго кіравання. Лука гэта адчуваў.
Чарговая ганьба ўкраінскай улады