Навукоўцы з ЗША выявілі, што карыца, альбо цынамон, дабратворна ўплывае на працу ўсяго арганізма. Яна мае амаладжальныя ўласцівасці, а таксама дапамагае скінуць лішнюю вагу, паведамляюць інфармагенцтвы.
Вынікі прысвечанага карыцы даследавання былі прэзентаваныя па выніках чарговага з'езду Амерыканскага таварыства малекулярнай біялогіі і біяхіміі.
Карыца падтрымлівае працу арганізма ў цэлым, а таксама можа дапамагчы справіцца з некаторымі захворваннямі. У сваім складзе карыца мае шэраг мінералаў і вітамінаў, а таксама дубільныя рэчывы, эфірныя алеі, клятчатку.
«Сістэматычнае ўжыванне карыцы спрыяе ўтварэнню спецыфічнага метабалічнага цэнтра, які становіцца прычынай карысных змяненняў, якія ажыццяўляюцца на клеткавым узроўні», — распавядае вядучы аўтар даследавання, біяхімік з Універсітэта Паўночнага Агаё, Эмі Стокерт.
Таксама навукоўцы распавялі, што карыца багатая на антыаксіданты. Каб адчуць на сабе спрыяльнае ўздзеянне дадзенага прадукту, трэба рэгулярна ўжываць каля аднаго грама карыцы ў суткі.
Недахоп вітаміну B12 — скрытая прычына шмат якіх хвароб
Чаму шведы ядуць цукерак па кілаграме на сям’ю ў тыдзень, а зубы ў іх адны з найлепшых у Еўропе
Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог13
Каментары