«Пагроза з боку Беларусі рэальная». Меркаванні прэзідэнта Літвы і спікера Сейма наконт уніфікацыі абмежаванняў падзяліліся
Гітанас Наўседа па-ранейшаму прытрымліваецца пазіцыі ўзмацнення строгасці санкцый супраць беларусаў, тады як лідар парламента Вікторыя Чміліце-Нільсэн падкрэслівае неабходнасць улічваць правы чалавека пры разглядзе гэтага пытання ў Сейме, піша Delfi.lt.
«Меркаванні падзяліліся. Маё меркаванне такое: я згодны, што настрой беларускага народа адрозніваецца ад настрою расійскага народа, што ён у меншай ступені атручаны той масавай прапагандай, якая вялася ў Расіі, што ён бліжэй да нас геапалітычна, гістарычна, традыцыйна.
Але давайце зразумеем адно — Аляксандр Лукашэнка вельмі ўмела карыстаецца сваімі людзьмі як рэчамі, як інструментамі», — заявіў Г. Наўседа журналістам у аўторак пасля сустрэчы з кіраўніцтвам Сейма.
На прыкладзе журналіста Рамана Пратасевіча прэзідэнт Літвы звярнуў увагу на здольнасць рэжыму Лукашэнкі ламаць людзей.
«Мы павінны ўспомніць пра хлопца, які стаў ахвярай вяртання самалёта ў Мінск. Сапраўды, было вельмі сумна назіраць за ўсёй гэтай гісторыяй і генезісам гэтай гісторыі. І гэта чарговы раз паказвае, што дыктатар ламае людзей, што дыктатар выкарыстоўвае яго [Пратасевіча] ў цёмных мэтах, і ён можа зрабіць так і з іншымі людзьмі», — падкрэсліў кіраўнік літоўскай дзяржавы.
«Мы можам шукаць шляхі і разглядаць іншыя спосабы, але мы павінны разумець, што пагроза з боку Беларусі вельмі рэальная і ў нейкім сэнсе нават больш рэальная, бо ў нас ёсць прамая і даволі працяглая мяжа з гэтай краінай», — дадаў ён.
Намеснік міністра ўнутраных спраў Літвы Віталь Дзмітрыеў заявіў, што ведамства бачыць неабходнасць ва ўніфікацыі абмежаванняў для грамадзян Расіі і Беларусі, якія прыбываюць у краіну.
Стала зразумела, чаму кіраўнік беларускага Ernst&Young не змог асабіста развітацца з калектывам4
Каментары
С аднаго боку беларуска-літоўскую мяжу не зачыняем, с іншага боку ад планаў дыскрымінаваць грамадзян Беларусі ў Літве не адмовіўся.
Кто выйграе ад гэтага? Расея і ягоная марыянеткі-лукашысты (разам з кантрабандай).
Спадар Науседа, я разумею што выбары набліжаюцца (прэзідэнцкія ў 2024), але на каго вы зараз працуеце?