Звольнілі з працы і дэпартавалі з Беларусі акцёра Максіма Шышко
Акцёра Максіма Шышко звольнілі з Рэспубліканскага тэатра беларускай драматургіі і выслалі з Беларусі. Таксама яму забаранілі ўезд у краіну тэрмінам на 10 гадоў. Максім — грамадзянін Украіны, ён нарадзіўся ў 1989 годзе ў Ратне Валынскай вобласці, паведамляе ініцыятыва BY_culture.
27 лютага, калі ў Беларусі праходзіў рэферэндум на фоне антываенных акцый, Шышко быў затрыманы і асуджаны на 15 сутак. Гэта і стала нагодай для яго дэпартацыі.
Шышко атрымліваў акцёрскую адукацыю ў Беларусі. У 2010 годзе ён скончыў Брэсцкі музычны коледж імя Рыгора Шырмы, а ў 2014-м — Беларускую акадэмію мастацтваў (акцёрскі курс Зоі Белахвосцік). Меў беларускі від на жыхарства.
За сакавік — пачатак красавіка ў РТБД былі звольненыя 4 акцёры, а шматгадовы мастацкі кіраўнік тэатра Аляксандр Гарцуеў пакінуў сваю пасаду яшчэ ў канцы мінулага года.
Чытайце таксама:
З Рэспубліканскага тэатра беларускай драматургіі звольнілі актрысу Алену Баяраву
З РТБД звольнілі мастацкага кіраўніка Аляксандра Гарцуева
«Калі працуеш на дзяржслужбе — павінен быць прыхільнікам дзяржаўнай улады». Міністр культуры зноў выказаўся пра палітычныя звальненні
Міністр культуры: Больш за 300 чалавек з нашых калектываў «папрасілі». І я лічу гэта правільным
«Глабальна няма розніцы паміж мной, Пазняком і Ціханоўскай». Чым сёння жыве дысідэнт Вячаслаў Сіўчык — вялікая гутарка11
Каментары