Зямное ядро, магчыма, змяніла кірунак руху. Як гэта паўплывае на нашу планету?
«Тэарэтычна гэта адбылася ўжо даўно, але ў нас ёсць назіранні толькі за некалькі апошніх дзесяцігоддзяў».
Унутранае ядро Зямлі запаволіла і, напэўна, змяніла кірунак свайго кручэння. Да такой высновы прыйшлі кітайскія навукоўцы, прааналізаваўшы сейсмічныя хвалі ад землятрусаў па ўсёй планеце з 1960-ых гадоў.
У нядаўнім даследаванні, апублікаваным у часопісе Nature Geoscience, навукоўцы заявілі, што ў перыяд з 2009 па 2020 год рух унутранага ядра Зямлі запыніўся і, магчыма, змяніў кірунак. Па іх інфармацыі, гэта паменшыць працягласць дня на долі мілісекунды ўжо сёлета і можа аказаць невялікі ўплыў на магнітнае поле Зямлі.
Аднак гэта не паўплывае на наша жыццё, бо паверхня Зямлі аддзеленая ад унутранага ядра вадкім вонкавым ядром, што дазваляе яму круціцца не так, як сама планета. А вонкавае ядро, у сваю чаргу, аддзеленае ад зямной кары мантыяй.
Аўтары даследавання запэўніваюць, што вынікі іх назіранняў супадаюць са зменамі і ў магнітным полі Зямлі, і ў працягласці дня. Па словах аднаго з аўтараў даследавання доктара Сяадун Суна, якія прыводзіць выданне The Wall Street Journal (WSJ), гэты працэс мог пачацца даволі даўно.
«Тэарэтычна гэта адбылася ўжо даўно, але ў нас ёсць назіранні толькі за некалькі апошніх дзесяцігоддзяў», — адзначае ён.
У той жа час WSJ прыводзіць меркаванне яшчэ аднаго навукоўца, які не ўдзельнічаў у даследаванні. Прафесар Джон Відэйл з універсітэта Паўднёвай Каліфорніі лічыць, што вынікі назіранняў не такія адназначныя і гэта толькі адна з многіх іншых навуковых тэорый.
«Заўважаныя змены сапраўды існуюць, хоць тое, што адбываецца насамрэч, пакуль не так відавочна. Гэтая тэорыя мае права на існаванне, але гэта пакуль толькі адно са шматлікіх магчымых тлумачэнняў», — падкрэслівае ён.
Чытайце яшчэ:
Фізікі назвалі месца ў памяшканні, дзе найлепш хавацца ад ударнай хвалі пры ядзерным выбуху
Навукоўцы пры дапамозе лазера ўпершыню змаглі кіраваць маланкай
ААН: Азонавы слой Зямлі будзе адноўлены ў наступныя дзесяцігоддзі
У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9
Каментары