Прадстаўнікі ААТ «Беларуськалій» папярэдзілі, што ашуканцы пачалі прапаноўваць «лёгкі даход» ад імя кампаніі. Інфармацыя пра гэта з'явілася ў тэлеграм-канале прадпрыемства.
Рэклама нібыта выгаднага інвеставання з'явілася ў сацсетках, у тым ліку ў інстаграме. Заробак прапануюць ад 10 тыс. рублёў на месяц, а некаторыя фэйкавыя акаўнты і ад 25 тыс. рублёў. Карыстальнікам сацсетак ашуканцы паведамляюць, што можна зарабляць «ад 100% свайго ўкладу на тыдзень».
«Беларуськалій» афіцыйна заявіў, што не праводзіць і не плануе якія-небудзь «праграмы інвеставання». Няма ў кампаніі і фінансавых мерапрыемстваў з выкарыстаннем сацыяльных сетак.
На прадпрыемстве дадалі, што ўсе акаўнты, якія размяшчаюць інфармацыю аб магчымасці інвестыцый, дачынення да «Беларуськалію» не маюць.
Малое дзіця з Мазыра трапіла на штучную вентыляцыю лёгкіх — яго маці абвінавачвае дактароў у халатнасці2
Каментары