Партугалія разграміла Турцыю, а на Еўра-2024 забілі самы кур’ёзны гол ВІДЭА
Партугалія — Турцыя — 3:0.
Фота: Themba Hadebe / AP
Адкрыў лік Бернарду Сілва.
А потым здарыўся самы кур’ёзны гол на Еўра-2024.
Партугалія атакавала, Кансэлу прабіў у нікуды, мяч перахапіў турак Акайдын і адпасаваў галкіперу «Манчэстар Юнайтэд» Алтаю Баяндыру. А той, відаць, не зразумеў намеру партнёра па камандзе і толькі правёў яго вачыма.
Гэта ўжо шосты аўтагол на Еўра-2024.
Трэці гол забіў Бруну Фернандэш.
Пасля двух тураў: Партугалія — 6, Турцыя — 3, Грузія, Чэхія — 1.
Партугалія выйшла ў плэй-оф.
У апошнім туры ў сераду згуляюць: Партугалія — Грузія, Турцыя — Чэхія. Пачатак матчаў а 22-й гадзіне.
Сёння а 22-й матч Румынія — Бельгія.
Каментары