«Хто такія «мы»?» — пасол Украіны пракаментаваў словы Лукашэнкі пра вяртанне ва «ўлонне славянства»
Ігар Кізім працытаваў Аляксандра Лукашэнку, які 28 студзеня сказаў: «Мы вернем нашу Украіну ва ўлонне нашага славянства».
«Незразумела, хто такія «мы». І, у гэтым кантэксце, чаму для кагосьці Украіна «наша» і калі яна выйшла з «улоння славянства»? Калі «мы» — гэта Беларусь, то відавочна, што з беларусамі мы і ёсць тое самае «ўлонне славянства» (дарэчы, і палякі там, і балгары, і славакі, і іншыя) і нам туды вяртацца не трэба, мы яго не пакідалі.
Калі «мы» — гэта А. Лукашэнка і У. Пуцін, а «ўлонне нашага славянства» — гэта саюз Беларусі з РФ, то казаць аб Расіі як аб «славянскай» дзяржаве хутка наогул будзе складана, а вяртацца ва «ўлонне» (ці, правільней, у саюз), дзе ёсць краіна, якая захапіла ўкраінскі Крым, развязала і працягвае вайну на Данбасе, ахвярамі якой сталі дзясяткі тысяч славян, не захоча яшчэ не адно пакаленне украінцаў. Гэта аксіёма, і даказваць тут няма чаго», — напісаў Ігар Кізім.
Чытайце таксама:
«Ці гатовыя вы плаціць?» Пра што казаў Лукашэнка ў Пасланні народу — сабралі галоўнае
У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне6
Каментары