Stała viadoma, chto taja hramadzianka ZŠA, jakuju niadaŭna vyzvaliŭ Łukašenka
U niadzielu, 26 studzienia, dziaržsakratar ZŠA Marka Rubia paviedamiŭ pra vyzvaleńnie ŭ Biełarusi amierykanskaj hramadzianki Anastasii Niufier. Pryčyny zatrymańnia dypłamat nie nazvaŭ, ale padkreśliŭ, što Anastasija — «biaźvinnaja amierykanka». «Lusterka» daviedałasia, što heta za žančyna.
Jak raskazaŭ «Lusterku» Belpol, Anastasija Niufier — uradženka Biełarusi. Jana naradziłasia ŭ Minsku ŭ 1977 hodzie, ciapier joj 48 hadoŭ. Dziavočaje proźvišča žančyny — Ražkova.
Anastasija dvojčy była zamužam. Pavodle danych analityčna-rasśledvalnickaj hrupy Digital Intelligence Team (DIT), u 1999 hodzie Anastasija vyjšła zamuž za hramadzianina ZŠA Reja Patnema i ŭziała proźvišča muža. U 2005-m jana atrymała amierykanskaje hramadzianstva. U profili Anastasii ŭ fejsbuku pa-raniejšamu paznačana proźvišča Patnem.
U 2013 hodzie Anastasija vyjšła zamuž druhi raz za Šełdana Niufiera, taksama hramadzianina ZŠA. U žančyny jość dvoje synoŭ-dvajniat — Alaksandr i Šon. Chłopcam užo pa 22 hady, i jany taksama nosiać proźvišča Patnem.
Pavodle danych publičnaha amierykanskaha servisu pošuku ludziej, syny žyvuć z maci ŭ horadzie Alen, štat Techas.
Miarkujučy pa zdymkach u Google Maps, Anastasija i jaje syny žyvuć u niadrennym asabniaku. Na adnym z sajtaŭ pošuku nieruchomaści ŭ ZŠA paznačana, što jon byŭ pabudavany ŭ 1999 hodzie, u im čatyry spalni, try vannyja pakoi. Dom acenieny ŭ 542 500 dalaraŭ, ale pa stanie na siońnia jon nie pradajecca.
Analityki DIT znajšli na staroncy žančyny ŭ fejsbuku zapis ad 15 sakavika 2022 hoda, u jakim Anastasija paviedamlaje pra atrymańnie siertyfikata administratara vobłačnych servisaŭ Microsoft Azure.
«Było nialohka zasiarodzicca na vučobie ŭ śviatle padziej u majoj rodnaj krainie, jakija niepasredna tyčylisia mianie i majoj siamji, ale ja spraviłasia», — pisała tady Anastasija. Ci pracuje jana ŭ IT, nieviadoma.
Žančyna zachaplajecca sabakami. Na jaje staroncy ŭ instahramie paznačana, što jana prafiesijna dahladaje svojskich žyvioł.
«Pieršakłasnyja pasłuhi pansijanata ŭ Alen, štat Techas. Stvaraju dom dla vašych puchnatych siabroŭ», — paviedamlajecca ŭ apisańni jaje staronki.
Miarkujučy pa staroncy ŭ fejsbuku, Anastasija pieryjadyčna pryjazdžała ŭ Biełaruś i sustrakałasia sa svajakami. U pačatku 2024 hoda ŭ supołcy biełarusaŭ u ZŠA hetaj sacyjalnaj sietki Anastasija raskazvała, što paviedamiła ŭ adździeł hramadzianstva i mihracyi Kastryčnickaha RUUS Minska pra najaŭnaść u jaje amierykanskaha hramadzianstva. Darečy, apošni post na fejsbuk-staroncy Anastasii byŭ zrobleny 7 śniežnia 2024 hoda.
Amierykanskaje infarmacyjnaje ahienctva Associated Press sa spasyłkaj na Dziaržaŭny departamient ZŠA paviedamiła, što Niufier była zatrymanaja ŭ Biełarusi ŭ pačatku śniežnia 2024 hoda. Aficyjna pryčyna nie nazvanaja, ale ananimny były vysokapastaŭleny biełaruski dypłamat raskazaŭ AR, što heta źviazana z pratestami 2020 hoda.
Krynica, jakaja havaryła na ŭmovach ananimnaści z-za prablem biaśpieki, skazała, što Łukašenka sam prapanavaŭ vyzvalić hramadzianku ZŠA «ŭ jakaści žestu dobraj voli», admoviŭšysia pry hetym adpuskać lubych biełaruskich apazicyjanieraŭ i pravaabaroncaŭ.
Vyzvalili hramadzianku ZŠA, jakaja była za kratami ŭ Biełarusi
Juraś Ziankovič bolš nie palitviazień? Na ANT jon pradstaŭleny jak «amierykanski advakat, palitołah, ekśpiert»
Dzie prapahandysty zdymali Ihara Łosika i inšych palitviaźniaŭ?
Palitźniavolenaha Jurasia Ziankoviča zdymali, padobna, u hateli «Jeŭropa»
«U hateli staić achova tolki z-za taho, što ty biełaj rasy». Jak biełarus pracavaŭ u Vjetnamie, Zimbabve i Filipinach5
Kamientary
PS. A na sčot tamahaŭka ŭ łysinu ...