Barsuk, jaki lubujecca svajoj vyjavaj u styli Benksi, staŭ pieramožcam na konkursie fatahrafij dzikaj pryrody
Fatohrafu spatrebiłasia dva hady, kab atrymaŭsia zdymak.
Barsuk, jaki lubujecca svajoj vyjavaj u styli Benksi, staŭ pieramožcam konkursu «Najlepšy fatohraf dzikaj pryrody hoda 2024», jaki arhanizuje Muziej naturalnaj historyi ŭ Brytanii, piša Bi-bi-si.
Fotazdymak byŭ zrobleny na cichaj vulicy ŭ marskim anhlijskim horadzie Sient-Leanards-on-Si brytanskim fatohrafam Janam Vudam.
Jan zaŭvažyŭ, jak barsuki vychodziać ź bližejšaj nary, kab pałasavacca charčovymi reštkami, jakija pakidajuć lisy.
«Ja pravioŭ bolšuju častku dvuch hadoŭ, fatahrafujučy ich, i hetaja kankretnaja fatahrafija pieršapačatkova ŭźnikła jak ideja. Ja padumaŭ, što było b cikava namalavać hrafici i pahladzieć, ci atrymajecca mnie źniać barsuka, jaki prachodzić pad im», — raspavioŭ jon.
Jan bačyć u svaim zdymku bolš hłyboki sens, źviazany z supiarečlivaj temaj vakoł źniščeńnia barsukoŭ.
Adstreł barsukoŭ vykarystoŭvajecca dla baraćby z byčačymi suchotami, adnak u Anhlii hetaja praktyka budzie spyniena ciaham nastupnych piaci hadoŭ u miežach źmien u sistemie baraćby z hetym zachvorvańniem. Pra heta zajaviŭ urad letaś.
Jan nazvaŭ źniščeńnie barsukoŭ nacyjanalnaj hańbaj. «Ja b adrazu ž addaŭ hetuju ŭznaharodu, kab urad anulavaŭ usie isnujučyja licenzii na adstreł barsukoŭ», — dadaŭ jon.
25 zdymkaŭ, naminavanych na premiju «Narodny vybar» u katehoryi «Fatohraf dzikaj pryrody hoda», atrymali 70 tysiač hałasoŭ ad amataraŭ fatahrafii dzikaj pryrody z usiaho śvietu.
Kolkaść tych, chto hałasavaŭ u hetym hodzie, stała rekordnaj.
Kamientary