U premijalnym kvartale ŭ centry Minska stali pradavać kvatery. Samaja tannaja — 378 tysiač dalaraŭ
Pradajucca kvatery biez azdableńnia ź minimalnaj kolkaściu pieraharodak.
U premijalnym minskim kvartale Depo niepadalok ad Płoščy Pieramohi startavali prodažy ŭ novym domie Tatra 1. Samaja tannaja kvatera tut kaštuje $378 tys., paviedamili ŭ kampanii «A-100 Deviełopmient».
U domie budzie ŭsiaho 30 kvater, siarod jakich — pientchausy ź pieramiennaj vyšynioj stolaŭ da 7,55 m i panaramnymi voknami da 6,15 m. Na 8-m i 9-m pavierchach raźmieščany adna– i dvuchuzroŭnievyja pientchausy pad pachiłami dachami z mansardami. Płošča pientchausaŭ — ad 82,51 da 174,62 kv. m.
Dom Tatra 1 płanujecca ŭvieści ŭ ekspłuatacyju ŭ IV kvartale 2026 hoda. Siońnia ŭ prodažy dastupnyja 22 kvatery, jašče 8 užo zabraniravany. Poŭny košt kvater nie ahučvajecca. Viadoma tolki, što minimalnaja cana siarod dastupnych varyjantaŭ składaje $378 tys. za 106,09 kv. m. Pry hetym abaviazkovaj umovaj źjaŭlajecca kupla mašynamiesca ŭ parkinhu.
Usie kvatery pradajucca biez azdableńnia ź minimalnaj kolkaściu pieraharodak. Taksama ŭ domie praduhledžany kładoŭki. Budynak akružany dvaram-parkam i raźmieščany na ŭzvyššy, što dazvalaje bačyć histaryčny centr Minska.
Ź ciaham času zabudoŭščyk płanuje stvaryć u žyłym kvartale infrastrukturu z hramadskimi prastorami i miescami dla adpačynku. Tut źjavicca piešachodnaja vulica z mahazinami, restaranami i kaviarniami.
Spasyłku na bot «Hajuna» siłaviki znajšli na telefonie zatrymanaj aktyvistki, jakaja praciahły čas chavałasia ŭ Biełarusi6
Kamientary