Pamior kachany čałaviek Sandry Bułak. Jon doŭhi čas zmahaŭsia ź ciažkaj chvarobaj
Amierykanskaja aktrysa Sandra Bułak apłakvaje ciažkuju stratu. Brajan Rendał, daŭni partnior aktrysy, pamior u subotu paśla zmahańnia z BAS, piša Etonline.
«Z hłybokim smutkam my paviedamlajem, što 5 žniŭnia Brajan Rendał mirna pamior paśla trochhadovaj baraćby z bakavym amijatrafičnym sklerozam, — paviedamiła ET jaho siamja.
«Brajan rana vyrašyŭ zachavać u tajamnicy svajo padarožža z BAS, i tyja z nas, chto kłapaciŭsia pra jaho, zrabili ŭsio mahčymaje, kab vykanać jaho prośbu».
«My biaźmierna ŭdziačnyja niastomnym daktaram, jakija razam z nami spraŭlalisia z hetaj chvarobaj, i miedsiostram, jakija stali našymi susiedziami pa pakoi, časta achviarujučy svaimi siemjami, kab być z nami», — dadała jaho siamja.
Bakavy amijatrafičny skleroz (BAS) — heta chvaroba niervovaj sistemy, kali admirajuć matornyja niejrony, u vyniku čaho atrafirujucca myšcy. Takuju chvarobu mieŭ piśmieńnik i fizik Styvien Chokinh.
Sandra Bułak — viadomaja amierykanskaja aktrysa («Chutkaść», «Dom la voziera», «Mis Kanhienijalnaść»). Za film «Niabačny bok» u 2010 hodzie jana atrymała «Oskara».
-
Pieśnia, jakaja virusicca ŭ biełaruskim tyktoku, akazałasia saŭndtrekam da prapahandysckaha sieryjała pra vajnu
-
U centry Ryhi źjaviŭsia pomnik šeramu katu z multfilma, što pretenduje na «Oskar»
-
Ad Harbuza da Harcujevaj — ścižma zornych biełaruskich akcioraŭ źniałasia ŭ stužcy rasijskaha režysiora. Što za kino?
Stała viadoma, jak dobra ŭładkavaŭsia ŭ žyćci muž starejšaj unučki Łukašenki5
Kamientary