13—16 lutaha Mižnarodny sajuz biełaruskich piśmieńnikaŭ ładzić u Vilni litaraturny forum. Na Mižnarodny paetyčny fiestyval «Vieršy na asfalcie» pamiaci Michasia Stralcova źjeducca muzyki, vydaŭcy, kniharaspaŭsiudniki, ale pierš za ŭsio — paety i pierakładčyki, jakija prezientujuć plon svajoj pracy za minuły hod, piša Bellit.info.
13 lutaha ŭ supracy z Vilnius UNESCO literatūros miestas adbuducca čytańni litoŭskich paetaŭ i paetak ich biełaruskich pierakładčykaŭ, prymierkavanyja da vychadu novaj vialikaj antałohii sučasnaj litoŭskaj paezii «Horad na hary». Kniha pradstaŭlaje 29 hałasoŭ najnoŭšaj litoŭskaj liryki, mnohija z aŭtaraŭ pierakładzienyja na biełaruskuju movu ŭpieršyniu. (Vilniaus literatų namai, pačatak Šv. Jono g. 11. 18-00).
14 lutaha, u dzień naradžeńnia patrona fiestyvala Michasia Stralcova, u partniorstvie z Sajuzam litoŭskich piśmieńnikaŭ adbudziecca ŭračystaja impreza adkryćcia festu ŭ Kłubie Piśmieńnikaŭ. Padčas sustrečy prahučać vitalnyja słovy ad suarhanizataraŭ «Vieršaŭ na asfalcie», a taksama budzie abvieščanaje imia novaha łaŭreata ci łaŭreatki Litaraturnaj premii Michasia Stralcova. (14 lutaha. Rašytojų klubas, K. Sirvydo g. 6., pačatak 19-00).
15 lutaha ŭ staličnym bar-kłubie «Paviljonas» razhorniecca asnoŭnaja prahrama mierapryjemstvaŭ fiestyvalu «Vieršy na asfalcie». Zavieršycca viečar kancertam hurta Syndrom Samazvanca z prezientacyjaj alboma «Radyjo Niamiha». (15 lutaha. Kłub Paviljonas, Pylimo g. 21B, pačatak 13-00).
16 lutaha ŭ kłubie «Paviljonas» projdzie apošni čaćviorty dzień festu, z prezientacyjaj novych knih, paetyčnymi čytańniami i dyskusijami. Naprykancy prahramy arhanizatary prapanujuć dałučycca da tradycyjnaj «Nočy paezii». (16 lutaha. Kłub Paviljonas, Pylimo g. 21B, pačatak 13-00).
Dva apošnija dni, 15 i 16-ha lutaha, z 13.00 da poźniaha viečaru ŭ kłubie pracavaćmie knižny kirmaš niezaležnych biełaruskich vydaviectvaŭ i kniharaspaŭsiudnikaŭ. Tam možna budzie prydbać novyja knihi i pakamunikavać z aŭtarami i vydaŭcami.
Prahrama fiestyvalu «Vieršy na asfalcie» pamiaci Michasia Stralcova
13 lutaha. Vilniaus literatų namai, Šv. Jono g. 11
18.00-20.00. Prezientacyja antałohii sučasnaj litoŭskaj paezii «Horad na hary» (z udziełam aŭtaraŭ i pierakładčykaŭ).
U viečarynie ŭdzielničajuć Eŭhienijus Ališanka, Hreta Ambrazajcie, Davile Bahdonajcie, Mantas Bałakaŭskas, Uładas Braziunas, Lina Bujvidavičucie, Marus Burokas, Andrej Chadanovič, Cichan Čarniakievič, Jurhita Jaspanicie, Uładzimir Arłoŭ, Uładzisłaŭ Harbacki i Antanas A. Janinas.
14 lutaha. Rašytojų klubas, K. Sirvydo g. 6
19.00-20.30. Uračystaje adkryćcio fiestyvalu
Cyrymonija abviaščeńnia pieramožcy Premii Michasia Stralcova
U prahramie: vitalnyja słovy arhanizataraŭ i partnioraŭ fiestyvalu (Mižnarodny sajuz biełaruskich piśmieńnikaŭ, Biełaruski PEN, Šviedski sajuz piśmieńnikaŭ, Sajuz piśmieńnikaŭ Litvy, Prahramnaja Rada tydniovika biełarusaŭ Polščy «Niva»).
15 lutaha. Kłub Paviljonas, Pylimo g. 21B
13.00-13.30. Prezientacyja knihi słavackaha paeta Paŭła Orsaha Hviezdasłava «Kryvavyja saniety» ŭ pierakładzie na biełaruskuju movu.
13.30-14.00. Prezientacyja knihi «Aleś» pa materyjałach Radyjo Racyja, pryśviečanych Alesiu Bialackamu. Pravodzić Jaŭhien Vapa.
14.00-14.30. Novyja knihi «Kamunikata»: ahlad i anons śviežych vydańniaŭ. Viadoŭcy Jarasłaŭ Ivaniuk i Uładzimir Arłoŭ.
14.30-15.00. Prezientacyja muzyčnaj prahramy na vieršy Nadziei Artymovič. Viadoŭca i stvaralnik prahramy Viktar Siamaška.
15.00-16.00. Hutarka pra vydańnie «Praź siabie — da suśvietu. Kniha pra Alesia Razanava» (z udziełam aŭtaraŭ knihi, kalehaŭ i daśledčykaŭ tvorčaści Alesia Razanava).
16.00-16.30. Paetyčnyja čytańni i prezientacyja knihi vieršaŭ Taćciany Niadbaj «Tam, za ścianoj».
16.30-17.30. Hutarka pra novy numar almanacha «Apostraf» (z udziełam siabroŭ redakcyi i aŭtaraŭ vypusku)
17.30-18.00. Paetyčnyja čytańni łaŭreatki Premii Stralcova Antaniny Chatenki.
18.00-19.00. Vystup łaŭreatak Premii Arsieńnievaj (Nasta Kudasava, Hanna Šakiel, Darja Bialkievič).
19.30. Kancert hurta «Syndrom Samazvanca»
16 lutaha. Kłub Paviljonas, Pylimo g. 21V
13.00-13.30. Prezientacyja knihi Siarhieja Pryłuckaha «Hibroidy» (anłajn). Hutaryć Cichan Čarniakievič.
13.30-14.00. Prezientacyja znojdzienaha archiŭnaha hukazapisu z čytańniem vieršaŭ Łarysaj Hienijuš.
14.00-14.30. Prezientacyja antałohii ŭkrainskaj paezii «Pra słovy i cišyniu miž imi» internet-časopisa «Taŭbin» (udzielničajuć Alena Stepanienka, Artur Kamaroŭski, Andrej Chadanovič).
14.30-15.00. Prezientacyja novych knih sieryi «Chochrot Minsk»: udzielničajuć paety Uładzimir Hłazaŭ, Maryja Martysievič.
15.30-16.00. Prezientacyja «Epasu pra Hilhamieša» i «Ilijady» ŭ pierakładzie Lavona Barščeŭskaha. Viadoŭca Źmicier Kołas.
16.00-16.30. Prezientacyja knihi «Eŭrydyka nie azirajecca» Siarhieja Pryłuckaha ŭ biełaruskim aryhinale i ŭ pierakładach na ŭkrainskuju movu Aleny Stepanienki.
16.30-17.00. Prezientacyja novaj knihi Uładzimira Niaklajeva «Biez Ajčyny».
17.00-17.30. Prezientacyja knihi Uładzimira Arłova «Śvieciacca vokny dy nikoha za imi».
17.30-18.00. Prezientacyja knihi vieršaŭ kłasika litoŭskaj paezii Hienrykasa Radaŭskasa «Małanki i viatry» ŭ pierakładzie Lavona Barščeŭskaha.
18.00-18.30. Prezientacyja knihi Andreja Chadanoviča «Dzikaje palavańnie karala Stacha: vieršy dla opiery».
19.00-21.00. «Noč paezii»: čytańni ŭdzielnikaŭ fiestyvalu i volny mikrafon (viadoŭcy Andrej Chadanovič i Darja Bialkievič).
Udzielničajuć Sabina Bryło, Cichan Čarniakievič, Ksienija Syramałot, Pavieł Horbač, Darja Roskač, Alena Cibiec, Artur Kamaroŭski, Illa Kulbicki, Anatol Chinievič, Juhasia Kalada, Siarhiej Sys, Vanda Marcinš, Olena Stepanienka, Źmicier Kołas, Viktar Siamaška i inšyja.
Biełaruskaja palityčnaja emihrantka lacieła ŭ Hruziju na samalocie, jaki ekstranna pasadzili ŭ Iranie8
Kamientary