Biełarus prymusiŭ Kanstytucyjny sud pierahladzieć zakanadaŭstva
Kanstytucyjny sud upieršyniu ŭ historyi Biełarusi razhladzieŭ indyvidualnuju skarhu ad biełarusa – i pahadziŭsia ź joj. Pastanova ab hetym apublikavana ŭ Banku sudovych rašeńniaŭ, zaŭvažyła «Miedyjazona».
Biełarus Hnycevič A.A. dabiŭsia ŭ Kanstytucyjnym sudzie pierahladu Pracesualna-vykanaŭčaha kodeksa ab administracyjnych pravaparušeńniach.
Skazana, što raniej jaho pryciahnuli da adkaznaści pa administratyŭnaj spravie — mužčyna trapiŭ u DTZ. Tady jon uciok ź miesca avaryi i znachodziŭsia ŭ stanie ałkaholnaha apjanieńnia. Mužčynu pryznačyli štraf u 245 bazavych vieličyń i pazbavili paśviedčańnia kiroŭcy na 7 hod.
Ale biełarusu nie spadabałasia, što načalnik abłasnoha DAI nie abjadnaŭ try jaho pravaparušeńni ŭ adzin administracyjny praces. Tady b, jak jon paličyŭ, pakarańnie mahło b być bolš miakkim.
Spačatku jamu admovili ŭ takoj skarzie, skazaŭšy, što, zhodna z artykułam 12.4 PVKaAP, abjadnańnie pravaparušeńniaŭ u adzin praces źjaŭlajecca pravam, a nie abaviazkam.
Ale jon nie pahadziŭsia i z hetym, prajšoŭ praz usie etapy abskardžańnia i dajšoŭ da Kanstytucyjnaha suda — tam vyrašyli, što ŭ biełaruskim PVKaAP sapraŭdy jość pravavaja niedaskanałaść. Jon dakazaŭ, što norma ab abjadnańni pravaparušeńniaŭ nie suadnosicca z normami ab nakładańni pakarańnia pry niekalkich parušeńniach.
Namieśnica kiraŭnika Administracyi Łukašenki Volha Čuprys adznačyła, što heta pieršaja ŭ historyi Biełarusi indyvidualnaja skarha ŭ Kanstytucyjny sud.
Zhodna z pastanovaj suda, parłamient pavinien prybrać z zakanadaŭstva niedaskanałaść, jakuju zaŭvažyŭ biełarus.
Stała viadoma, jak dobra ŭładkavaŭsia ŭ žyćci muž starejšaj unučki Łukašenki12
Kamientary