«U čaści maŭčać, ale ŭ vojsku tak być nie pavinna, što chłopcy stralajucca ŭ naradzie». U Breście zastreliŭsia sałdat terminovaj słužby — «Zierkało»
U Breście zastreliŭsia sałdat terminovaj słužby 38-j Bresckaj asobnaj hvardziejskaj desantna-šturmavoj bryhady. Nadzvyčajnaje zdareńnie adbyłosia ŭ sakaviku, kali 20-hadovy chłopiec byŭ u naradzie, raskazali vydańniu «Zierkało» krynicy, znajomyja ź situacyjaj.
«Jon paru hadoŭ tamu vypuściŭsia sa škoły. Jak minimum paŭhoda ŭžo adsłužyŭ, dembiel musiŭ być ci viasnoj, ci vosieńniu, — raskazaŭ surazmoŭca «Zierkała». — Usio zdaryłasia niadaŭna, moža, u siaredzinie sakavika. Kazali, što byŭ streł u łob.
Usie ździŭlenyja, što tak zdaryłasia, tamu što asablivych prablem doma ŭ chłopca nie było na toj momant. Tak kažuć tyja, chto ź im mieŭ znosiny. Kaliści ŭ jaho byŭ balučy razryŭ ź dziaŭčynaj. Ale heta adbyłosia daŭno, pastupova jaho adpuściła, jon usio pieražyŭ i pajšoŭ dalej».
Sa słoŭ krynicy, pachavańnie zahinułaha prajšło cicha.
«Usio było šyta-kryta. Jaho pachavali tak, što mnohija ŭ atačeńni i nie viedali. Pra toje, što jon zastreliŭsia, stali daviedvacca paśla pachavańnia, tamu, mabyć, u čaści pra heta maŭčać. Ale ŭ vojsku tak być nie pavinna, što chłopcy stralajucca ŭ naradzie».
Infarmacyju pra hibiel sałdata «Zierkału» paćvierdziła jašče dvoje znajomych maładoha čałavieka.
«Kažuć, detali zdareńnia chavajucca. Ja była šakavanaja prosta tym faktam, što jon pamior. My apošnija hady nie razmaŭlali, ale raniej jon zdavaŭsia mnie całkam žyćciaradasnym čałaviekam, choć mnohaje mahło źmianicca, — kaža dziaŭčyna.
— Jon byŭ pryjaznym, cichim i spakojnym, niekanfliktnym, trochi dziŭnym, ale ŭ tym i było jaho abajańnie. Nie viedaju, jak heta apisać, — jon prosta byŭ byccam nie z hetaha śvietu. Choć, jak pa mnie, heta i rabiła jaho im: indyvidualnym, zajmalnym i cikavym».
Paviedamleńniaŭ ab padobnych incydentach u aficyjnych krynicach Ministerstva abarony Biełarusi nie było.
Dniom 20 sakavika ŭ adździaleńni pamiežnaha kantrolu «Vysoka-Litoŭsk» u Kamianieckim rajonie znajšli cieła jašče adnaho sałdata terminovaj słužby. Dziaržpahrankamitet paviedamiŭ, što 19-hadovy sałdat učyniŭ suicyd.
Blizkija siamji pamierłaha raskazali «Zierkału», što zahinuły sałdat — Robiert Cimafiejeŭ, jaki ŭ vojsku słužyŭ kucharam. Jany nie vierać u toje, što chłopiec moh ździejśnić samahubstva.
Stała viadoma, jak dobra ŭładkavaŭsia ŭ žyćci muž starejšaj unučki Łukašenki9
Kamientary