Minskija ŭłady admovili viernikam Čyrvonaha kaścioła na prośbu malicca ŭ kaściole abo kala jaho
Kataliki prasili dazvolić im źbiracca chacia b u zašklonaj halerei ŭnutry śviatyni abo va ŭnutranym dvoryku chrama na vulicy. Minharvykankam admoviŭ, patłumačyŭšy heta «nieabchodnymi mierapryjemstvami» u suviazi z pažaram u kaściole, piša «Radyjo Svaboda».
Čynoŭniki taksama nahadali, što zbor ludziej na vulicy budzie rascenieny jak «masavaje mierapryjemstva», a biez dazvołu ŭ Biełarusi źbiracca nielha.
Nahadajem, nočču 26 vieraśnia ŭ kaściole adbyŭsia pažar. U toj ža dzień Administracyja Maskoŭskaha rajona pryniała rašeńnie časova zabaranić ekspłuatacyju budynka. Kaścioł adklučyli ad usich kamunikacyj. Minharvykankam zajaviŭ, što ŭładalnik budynka, KUP «Minskaja spadčyna», nie moža vykonvać abaviazacielstvy pa damovie, i zapatrabavaŭ ad relihijnaj abščyny vyzvalić budynak ad ruchomaj majomaści dla praviadzieńnia ramontna-adnaŭlenčych rabot.
Čytajcie taksama:
Ułady: Čyrvony kaścioł zastaniecca kaściołam, ale ciapier treba «kanstruktyŭna spracavacca»
«U hateli staić achova tolki praz toje, što ty biełaj rasy». Jak biełarus pracavaŭ u Vjetnamie, Zimbabve i Filipinach9
Kamientary