Уладзіміру Мацкевічу вынеслі прысуд — 5 гадоў узмоцненага рэжыму
Мінскі гарадскі суд прысудзіў філосафу, стваральніку «Лятучага ўніверсітэта» Уладзіміру Мацкевічу 5 гадоў узмоцненага рэжыму.
Палітзняволенага філосафа абвінавацілі паводле трох артыкулаў Крымінальнага кодэкса:
ч. 1 арт. 342 КК (актыўны ўдзел у групавых дзеяннях, якія груба парушаюць грамадскі парадак),
ч. 1 арт. 361-1 (стварэнне экстрэмісцкага фармавання),
ч. 1 арт. 368 (абраза Лукашэнкі).
Справу Мацкевіча разглядаў Сяргей Епіхаў. Ён жа раней выносіў рашэнні па справе Марыі Калеснікавай і Максіма Знака.
Уладзімір Уладзіміравіч Мацкевіч — беларускі філосаф і метадолаг, стваральнік «Лятучага ўніверсітэта».
Быў затрыманы 4 жніўня 2021 года пасля вобшуку ў доме ў межах крымінальнай справы. Яму выставілі абвінавачванне ў «арганізацыі дзеянняў, якія груба парушаюць грамадскі парадак» (арт. 342 КК).
Патрабуючы змяніць меру стрымання на падпіску аб нявыездзе, завяршыць следчыя дзеянні і прызначыць дату судовага разгляду, Уладзімір абвясціў з 3 лютага 2022 г. галадоўку, з 15 лютага — «сухую галадоўку». Увечары 16 лютага Мацкевіч завяршыў галадоўку. Паводле яго слоў, якія перадаў адвакат, «справа зрушылася з мёртвай кропкі».
Разгляд справы Уладзіміра пачаўся ў закрытым рэжыме 9 чэрвеня 2022 г. у Мінскім абласным судзе.
Белыя ды чырвоныя кветкі і мора слёз. Як у Вільні сустракалі Паліну Шарэнду-Панасюк8
Каментары