Śviatkavali ŭ kalidory pobač z prybiralniaj: u bresckaj škole pierastaralisia sa ścipłaściu vypusknoha

Videa sa śviatočnaha viečara źjaviłasia ŭ tyktoku. Maci vypusknika pakazała, jak vyhladaŭ bankiet dla sotni adzinaccacikłaśnikaŭ bresckaj škoły № 1. Stały čamuści pastavili prosta ŭ kalidory — na adnych niešta hatavali, na inšych užo stajała hatovaja ježa. Pobač sa stałami stychijna ŭźnikli hory śmiećcia. Zahadzia narezanyja ahurki ŭ viadry (vidavočna, hetuju častku narezki jašče nie paśpieli pastavić na stoł) susiedničali sa śmiećciem.

U podpisy da rolika žančyna, syn jakoj jakraz skončyŭ hetu škołu, napisała:

— Administracyja vyrašyła, što narmalna adśviatkavać my nie zasłužyli. Usio prachodziła ŭ kalidory kala prybiralni. Baćki stajali jak achoŭniki, ni sieści (nie było nivodnaha kresła), ni tym bolš adznačyć my nie zasłužyli.

Žančyna śćviardžaje, što ŭ škole jość vialikaja spartyŭnaja zała i stałovaja, ale čamuści bankiet pravodzili nie tam. Možna było b padumać, što administracyja škoły zanadta litaralna zrazumieła słovy Łukašenki i pierastarałasia sa ścipłaściu vypusknoha. Ale žančyna dadała:

— Voś tak čakaješ vypuskny, a atrymoŭvaješ poŭnaje rasčaravańnie. Jak akazałasia, letaś była takaja ž historyja. Moža, čas užo niešta rabić?

@mamapushka Užasno prošieł vypusknoj mojeho syna v sš 1 h. Briesta Administracija riešiła, čto normalno otmietiť my nie zasłužili. Vsie prochodiło v koridorie, voźle tualeta, roditieli stojali, kak ochrańniki, ni siesť ( nie było ni odnoho stuła), ni tiem boleje otmietiť my nie zasłužili. Dieti 100 čieooviek tołpiliś voźle 4 maleńkich stolikov. V škole jesť bolšoj sport zał, stołovaja, no začiem administracii eto vsie. Vot tak ždieš vypusknoj, a połučaješ połnoje razočarovanije. Kak okaŝałoś v prošłom hodu było takžie, možiet pora užie, čto-to diełať?#vypusknoj2024#vypusknojbriest2024 ♬ orihinalnyj zvuk - Ja

Čytač «Našaj Nivy» źviarnuŭsia ŭ škołu, ale administracyja ŭ adkaz paraiła nie mierkavać pra mierapryjemstva pa kamientaryjach, a zamiest hetaha pahladzieć fotaspravazdaču pra vypuskny viečar na aficyjnym sajcie škoły.

Tam tolki zdymki, zroblenyja na aficyjnaj častcy ŭ aktavaj zale. Nivodnaha fota z furšetu čamuści niama. Zatoje siarod vypusknikoŭ na scenie bačny i tyja ludzi, jakija trapili ŭ rolik.

Za 4 dni videa nabrała kala 410 tysiač prahladaŭ.

• 7
• 0
• 13
• 15
• 3
• 6
• 13
• 0