Naminalny naličany siaredni zarobak u mai skłaŭ 1861,1 rubla, jak paviedamiŭ Biełstat. Dla paraŭnańnia: u krasaviku byŭ 1795,9 rubla, a ŭ sakaviku — 1814,2 rubla.
Ale heta zarobak «brudnymi». Kali ŭziać paśla vyličeńnia padatkaŭ, to siaredni zarobak čystymi składzie 1600,5 rubla, abo 532 dalary pa stanie na siońnia.
Kali paraŭnoŭvać rehijanalnyja pakazčyki, to ŭ lidarach Minskaja vobłaść — 1886,4 rubla, a na apošniaj pazicyi — Mahiloŭskaja (1546,7 rubla). Minsk pa-za kankurencyjaj — 2500 rubloŭ.
U cełym pa krainie samaja vysokaapłatnaja halina — infarmacyja i suviaź, kudy ŭvachodzić IT-śfiera. Tut siaredni zarobak u mai skłaŭ 5034,7 rubla.
Siarod najmienšych zarobkaŭ — dziejnaść u śfiery administracyjnych i dapamožnych pasłuh (1294,8 rubla). U adukacyi siaredni zarobak skłaŭ 1324,6 rubla, a ŭ achovie zdaroŭja i sacyjalnych pasłuhach — 1547,7, jak piša «Sputnik».
Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»29
Kamientary