Maksim Šabucki atrymaŭ pazyŭny Chokinh i raspavioŭ pra svaje ŭražańni ad padrychtoŭki ŭ navučalnaj rocie.
Pres-słužba pałka Kalinoŭskaha apublikavała videa z navučalnaj roty — finalnaj padrychtoŭki rekrutaŭ pałka pierad raźmierkavańniem u bajavyja padraździaleńni i tyłavuju słužbu.
Imia Šabuckaha nie nazyvajecca, ale bajca z pazyŭnym Chokinh možna paznać pa hołasie.
Pa słovach Chokinha, uzrovień padrychtoŭki rekrutaŭ pałka našmat vyšejšy, čym jon čakaŭ, i, u pieršuju čarhu, «dzivić kolkaść bojeprypasaŭ», jakija jany vykarystoŭvajuć. «Siaredniestatystyčny bajec tut za dva-try dni stralaje bolš, čym siaredniestatystyčny sałdat u biełaruskaj armii».
Jon adznačyŭ pracu i ŭzrovień instruktaraŭ, «jakija prajšli pa niekalki haračych miescaŭ, i heta nie tearetyčnaja padrychtoŭka, heta bajavaja padrychtoŭka. Uzrovień ździŭlaje».
Chokinh znachodzicca ŭ vučebnaj rocie try tydni. Jon raspavioŭ, što siarod rekrutaŭ — ludzi vielmi roznyja, u jaho atradzie, naprykład, jość kandydat navuk.
Pavodle jaho, 95 pracentam bajcoŭ, ź jakimi jon trenirujecca, — «nie miesca tut». «Heta ludzi, jakija patrebnyja byli b u Biełarusi. Tut šmat inžynieraŭ, prahramistaŭ, lekaraŭ».
Ale situacyja tak skłałasia, tłumačyć Chokinh, što «biełaruskaja bajaźlivaja armija admoviłasia vykonvać prysiahu», tamu «narod pavinien sam stać vojskam». Mienavita heta ciapier i adbyvajecca, ličyć Šabucki.
«Mnie zdajecca, što połk Kalinoŭskaha — heta adzinaja apora biełaruskaha naroda, jakaja moža niešta źmianić», — skazaŭ jon.
Šabucki — były milicyjanier. Jon staŭ viadomy svaimi videa na jutubie, jakija zapisvaŭ, pavodle jaho słoŭ, u poŭnaj kanśpiracyi, uvieś čas chavajučysia ŭ Biełarusi ad pieraśledu.
U krasaviku 2022 hoda Šabucki zdoleŭ pakinuć Biełaruś.
Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»26
Kamientary