Kryvaruki Ardžanikidze za płotam: historyja samaha dziŭnaha minskaha pomnika FOTAFAKT
Z-za zavadskoha płota pa vulicy Jakuba Kołasa minakam zaŭvažnaja vierchniaja častka byłoha balšavisckaha pravadyra — Ryhora Ardžanikidze. Pomnik ustalavali jašče ŭ pačatku 60-ch hadoŭ minułaha stahodździa.
Pomnik uračysta adkryvali ŭ 1962 hodzie na terytoryi Minskaha vytvorčaha abjadnańnia vyličalnaj techniki. Tady terytoryja zavoda była našmat bolšaj. Aŭtaram pomnika staŭ zavadski mastak Dziehciaroŭ, jaki vyrabiŭ, nakolki zmoh, kopiju z aryhinalnaj skulptury, zroblenaj u 1937 hodzie. Ale pilnyja hledačy mohuć pabačyć chiby miascovaha skulptara — pravaja ruka niepraparcyjna vialikaja, a palcy na ruce dziŭna rastapyranyja. Hety niedachop nie zasmučaŭ pracoŭnych zavoda, jakija pravodzili tut mitynhi i ŭznaharodžvańni pieradavikoŭ vytvorčaści.
Z časam zavadskaja terytoryja była zdadzienaja ŭ arendu handlovamu pradpryjemstvu «Alimp», i terytoryju la pomnika padzialiŭ płot. Ciapier pobač z balšavisckim pravadyrom parkoŭka kazino.
Kamientary