Прарасійскі кандыдат, які не сабраў патрэбныя подпісы, апублікаваў крык душы: «Гэта што, бл*дзь, выбары?»
Актывіст Уладзімір Рыжанкоў, які ўваходзіць у «Нацыянальна-вызваленчы рух» і выступае за ўступленне Беларусі ў склад Расіі, паспрабаваў зарэгістравацца кандыдатам у дэпутаты. Ён балатаваўся па Паўднёва-Заходняй акрузе №100 Мінска, але не атрымалася нічога — Рыжанкоў не змог сабраць патрэбныя 1200 подпісаў за сваё вылучэнне.
Эмацыйны зварот Рыжанкова да беларускіх уладаў з’явіўся ў тык-ток канале арганізацыі яшчэ падчас перыяду збору подпісаў.
«Аб’ектыўна трэба сказаць, што сабраць подпісы — гэта для чалавека з народа немагчымы фактар. Гэта парог, праз які пераскочыць немагчыма», — наракае ён і пералічвае праблемы, з якімі сутыкнуўся. Асноўная з іх — тое, што жыхары Мінска адмаўляліся называць яму свае пашпартныя звесткі для запісвання ў бюлетэнь.
На думку Рыжанкова, празаходнія дзеячы і прыхільнікі незалежнасці Беларусі знаходзяцца толькі ва ўладзе. Ён запэўнівае, што многія выбарцы — «простыя рускія людзі» — прыхільна ставяцца да яго пазіцыі, але катэгарычна адмаўляюцца падпісвацца.
Што яшчэ абурае Рыжанкова, дык гэта тое, што людзі ўжо механічна распісаліся за праўладных кандыдатаў у сябе на працы. «Уяўляеце, дзяржсектар ужо даўным-даўно падпісаў! Гэта ўвогуле ненармальная сітуацыя. «Спісачнікі» нічога не збіралі! Ім проста тупа далі гэтыя спісы з дзяржаўных прадпрыемстваў. Ну гэта што, бл*дзь, выбары? Гэта выбары?!»
У анкеце 44-гадовага Уладзіміра Рыжанкова пазначана, што ён даглядае інваліда 1 групы, іншай працы не мае.
Па яго акрузе ў выніку падалі дакументы чатыры чалавекі — былы намеснік міністра ўнутраных спраў Аляксандр Барсукоў (цяпер памочнік Лукашэнкі па Мінску) і яшчэ тры чалавекі ад розных партый.
Спасылку на бот «Гаюна» сілавікі знайшлі на тэлефоне затрыманай актывісткі, якая працяглы час хавалася ў Беларусі26
Каментары
https://d3khjsby2a8d5z.cloudfront.net/334237