Праблемныя пытанні, якія так ці інакш узнікаюць у АДКБ, як і ў любой іншай арганізацыі, трэба вырашаць за сталом перагавораў, а не рабіць дэмаршы без прычын. Аб гэтым заявіў журналістам Аляксандр Лукашэнка на пасяджэнні сесіі Савета АДКБ, піша БЕЛТА.
«Мы таксама, не буду гэтага хаваць, абмяркоўвалі сітуацыю на Каўказе і некаторую незадаволенасць аднаго з членаў Савета калектыўнай бяспекі, — сказаў Лукашэнка, маючы на ўвазе сітуацыю з Арменіяй, прэм'ер-міністр якой адмовіўся прысутнічаць на саміце АДКБ у Мінску. — Мы прыйшлі да адзінай высновы, што праблемныя пытанні заўсёды былі і будуць. Калі мы іх маем намер вырашаць, то іх трэба вырашаць за сталом перагавораў, не рабіць дэмаршы без прычын, без пэўных прычын».
Арменія ўваходзіць у прарасійскую Арганізацыю Дамовы аб калектыўнай бяспецы, і яе кіраўніцтва ў 2020 годзе ў пытаннях міжнароднай палітыкі ў СНД ішло ў фарватары Крамля.
Нікол Пашынян быў адным з першых, хто ў жніўні 2020 года павіншаваў Лукашэнку з «перамогай» на сфальсіфікаваных прэзідэнцкіх выбарах.
Але ў сувязі з тым, што Расія і АДКБ адмовіліся нечым дапамагаць Арменіі ў сітуацыі, калі Азербайджан стаў вырашаць даўні тэрытарыяльны канфлікт у Нагорным Карабаху сілавымі метадамі, адбываецца фактычны сыход Арменіі з расійскай сферы ўплыву.
«Глабальна няма розніцы паміж мной, Пазняком і Ціханоўскай». Чым сёння жыве дысідэнт Вячаслаў Сіўчык — вялікая гутарка12
Каментары