Siamja, jakaja letam niaŭdała pakatałasia na atrakcyjonie, atrymaje kampiensacyju 3000 rubloŭ
U lipieni 2024 hoda siamiejnaja para razam ź niepaŭnaletnim synam pryjšła pakatacca na atrakcyjonach u adzin z parkaŭ Minska. Zapłaciŭšy za kvitki, siamja sieła ŭ kabinku atrakcyjonu, adnak doŭha naviedvalniki nie pakatalisia: zrabiŭšy niekalki abarotaŭ, modul rezka apuściłasia na ziamlu. U vyniku pałomki žančynu i dzicia z roznymi traŭmami špitalizavali, paviedamlaje Viarchoŭny sud.
Kankretyki pra hetuju avaryju nie padajecca, ale vierahodna, što havorka idzie pra avaryju ŭ parku Čaluskincaŭ, pra jakuju paviedamlałasia mienavita ŭ lipieni minułaha hoda.
6 lipienia tam złamaŭsia atrakcyjon z kabinkami ŭ vyhladzie lebiedziaŭ, u vyniku čaho paciarpieli niekalki čałaviek, jakija ŭ toj čas na im byli.
«Na hetym atrakcyjonie razburyłasia apornaja kanstrukcyja vosi. Razburyłasia kankretna zvarnoje złučeńnie dvuch elemientaŭ. Pryčyny vyśviatlaje śledstva, jakim zajmajecca Śledčy kamitet», — paviedamiŭ tady ŭ efiry ANT namieśnik kiraŭnika słužby ekspłuatacyi i ramontu atrakcyjonaŭ pradpryjemstva «Minskzielanbud» Alaksandr Chomčyk.
Ludzi, jakija ŭ momant padzieńnia kabinki katalisia na atrakcyjonie, pa słovach čynoŭnika, abyšlisia lohkimi ŭdarami i rankami. Ciažka paciarpiełych niama, špitalizacyja nikomu nie spatrebiłasia.
Tym nie mienš, «Rehijanalnaje tavarystva abarony spažyŭcoŭ», jakoje pradstaŭlała intaresy paciarpiełaj siamji, padało pazoŭ u dačynieńni da «Minskzielanbuda» z patrabavańniem vypłacić kožnamu kampiensacyju za maralnuju škodu.
«Zasłuchaŭšy tłumačeńni pradstaŭnika hramadskaha abjadnańnia i pazoŭnicy, pradstaŭnika adkazčyka, razhladzieŭšy piśmovyja dokazy, sud pastanaviŭ spahnać z adkazčyka kampiensacyju maralnaj škody na karyść niepaŭnaletniaha pazoŭnika, u intaresach jakoha dziejničaje pazoŭnica [maci chłopčyka], u pamiery 1500 rubloŭ, pazoŭnicy — u pamiery 1000 rubloŭ, pazoŭnika — u pamiery 500 rubloŭ», — skazana ŭ paviedamleńni Viarchoŭnaha suda.
Pavodle vyznačeńnia suda, pryčynaj avaryi stała niekalki faktaraŭ. Heta i defiekty, dapuščanyja pry vyrabie atrakcyjonu ŭ 2006 hodzie, i adsutnaść mahčymaści ich vyjavić, a taksama praciahłaja ekspłuatacyja. Termin słužby atrakcyjonu aceńvajecca ŭ 7 hadoŭ, ale prapracavaŭ jon 18.
U parku Čaluskincaŭ na atrakcyjonie adarvalisia trosy — paciarpieli ludzi, na miescy było šmat chutkich
«Dzicia jechała z traŭmaj chrybta, a nie sa spałocham». Padrabiaznaści zdareńnia z atrakcyjonam u parku Čaluskincaŭ
Čynoŭnik patłumačyŭ, što zdaryłasia z atrakcyjonam u parku Čaluskincaŭ, adkul sarvalisia ludzi
«Źbieh abstavinaŭ». Avaryjny atrakcyjon u parku Čaluskincaŭ abśledavali 25 krasavika
Niekatoryja atrakcyjony ŭ staličnych parkach časova prypyniajuć pracu
Atrakcyjon nie pa ŭzroście. U Hrodnie ratavalniki vyciahvali dziaŭčynku z vuličnaha trenažora
Sioleta ŭ minskich parkach źjaviacca čatyry novyja atrakcyjony
Biełaruska nie znajšła siabie ŭ śpisie vypusknikoŭ škoły — ličyć, što praz palityčnyja pohlady1
Kamientary