BPŁA atakavali pradpryjemstvy ŭ Vałhahradzie i Astrachanskaj vobłaści
Nočču drony chvalami atakavali NPZ u Vałhahradzie, a ŭ Astrachanskaj vobłaści — hazapierapracoŭčy zavod.
U siecivie pišuć, što drony trapili va ŭstanoŭki Astrachanskaha hazapierapracoŭčaha zavoda, jon spynieny. Taksama byŭ atakavany hazapravod.
U Vałhahradzie paśla ataki bieśpiłotnikaŭ u niekalkich rajonach źnikła śviatło.
Pa infarmacyi Miniabarony RF, nočču 3 lutaha SPA źbiła 70 bieśpiłotnikaŭ.
27 BPŁA, pavodle viedamstva, źniščanyja nad terytoryjaj Rastoŭskaj vobłaści, 25 BPŁA — nad Vałhahradskaj vobłaściu, siem — nad Astrachanskaj, piać — nad Varoniežskaj, čatyry — nad Biełharodskaj, dva — nad Kurskaj vobłaściu.
Sa słoŭ Vałhahradskaha hubiernatara Bačarova, pry padzieńni abłomkaŭ uźnikli «łakalnyja ŭzharańni na terytoryi naftapierapracoŭčaha zavoda, jakija byli apieratyŭna łakalizavanyja».
Dziajkała: Naša situacyja nie ciahnie na Mižnarodny trybunał u Haazie. Važna, kab praces nad Łukašenkam adbyŭsia ŭ Minsku9
Kamientary