Cichanoŭskaja sustrełasia z Chiłary Klintan i pakazała joj videa ź vizitu ŭ Minsk 30 hod tamu
Padčas sustrečy 17 lutaha ŭ Miunchienie z byłoj dziaržsakratarkaj i pieršaj łedzi ZŠA Chiłary Klintan Śviatłana Cichanoŭskaja skazała, što ŭ jaje jość nievialiki siurpryz: videachronika vizitu ŭ Minsk u 1994 hodzie. Klintan adkazała, što nie bačyła hetaje videa.
Padčas vizitu ŭ Biełaruś Chiłary Klintan razam z žonkaj Stanisłava Šuškieviča razvozili humanitarnuju dapamohu pa dziciačych balnicach i sustrakalisia z kiraŭnikom baletnaj trupy Nacyjanalnaha teatra Valancinam Jelizarjevym.
Razam z Chiłary Klintan videa hladzieła Miełani Viervir, jakaja była kiraŭnicaj kabinieta Klintan i taksama naviedvała Minsk.
Apošni vizit prezidenta ZŠA ŭ Minsk adbyŭsia 30 hadoŭ tamu — 15 studzienia 1994 hoda ŭ Biełaruś prylataŭ Bił Klintan.
Klintany byli ŭ Minsku ŭsiaho šeść hadzin. Prezident ZŠA sustreŭsia sa staršynioj Viarchoŭnaha Savieta Biełarusi Stanisłavam Šuškievičam. Baki padpisali Dahavor ab uzajemnaj abaronie inviestycyj. 42-hi prezident ZŠA taksama parazmaŭlaŭ ź vieteranami vajny na Płoščy Pieramohi, pračytaŭ lekcyju moładzi ŭ Akademii navuk i zjeździŭ va ŭročyšča Kurapaty.
«Kali sprava abmiažujecca «hłybokimi spačuvańniami», to takija žudasnyja naviny buduć źjaŭlacca pastajanna» — Cichanoŭskaja
Śviatłana Cichanoŭskaja sustrełasia ź Julijaj Navalnaj
«Nadyšoŭ čas demakratyjam pakazać svaje zuby». Śviatłana Cichanoŭskaja vystupiła ŭ Miunchienie na Kruhłym stale pa Biełarusi
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh12
Kamientary