Ispanskaja hazieta El Periodico sa spasyłkaj na krynicy ŭ palicyi paviedamiła pra zatrymańnie ŭ aŭtanomnaj supolnaści Katałonija piaci čałaviek pa padazreńni ŭ terarystyčnaj dziejnaści. Pavodle infarmacyi vydańnia, siarod zatrymanych — dvoje hramadzian Rasii, a taksama hramadzianie Kałumbii, Biełarusi i Ispanii.
Zatrymańni praviedzienyja ŭviečary 6 lutaha.
Zatrymanyja abvinavačvajucca ŭ teraryźmie i ŭdziele ŭ złačynnaj arhanizacyi. Pavodle viersii śledstva, padazravanyja rabili dziejańni, nakiravanyja «suprać padtrymki ŭradami i asacyjacyjami Ukrainy».
Śćviardžajecca, što zatrymanyja žyli ŭ Barsiełonie i z momantu pačatku vajny viali rabotu ŭ krainach NATA. Jak adznačaje hazieta, z zatrymanych rasijan adzin «vałodaje viedami ŭ halinie kampjutarnaj inžynieryi, a druhi — fatohraf». Dziejańniami hrupy kiravali z Rasii.
U toj ža čas MZS Biełarusi zajaviła, što nijakaj infarmacyi pra zatrymanaha ŭ Ispanii hramadzianina Biełarusi jano nie maje:
«Aficyjnych paviedamleńniaŭ ab zatrymańni hramadzianina Biełarusi ŭ Ispanii ŭ naša pasolstva nie pastupała. Budziem praviarać hetuju infarmacyju. Pry nieabchodnaści dypłamaty hatovyja akazać konsulska-pravavuju dapamohu», — zajavili ŭ viedamstvie.
Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»40
Kamientary