Biełaruskija biznesmieny pradstaŭlali na mižnarodnaj kanfierencyi Zimbabve
Fihuranty mižnarodnych skandałaŭ, źviazanych z handlem zbrojaj i pastaŭkami techniki, ciesna źviazanyja z režymam Łukašenki biełaruskija biznžsmieny Alaksandr Zinhman i Aleh Vodčyc naviedali mižnarodnuju kanfierencyju pa klimacie COP29. Ale pradstaŭlali na joj jany nie Biełaruś, a Zimbabve, zaŭvažyŭ Biełaruski rasśledavalnicki centr.
Zinhman i Vodčyc uvajšli ŭ skład delehacyi Ministerstva navakolnaha asiarodździa, klimatu i dzikaj pryrody Zimbabve. Kanfierencyja była arhanizavanaja AAN.
Alaksandr Zinhman, hanarovy konsuł Zimbabve ŭ Biełarusi, nieadnojčy fihuravaŭ u publikacyjach ŚMI jak čałaviek z asablivymi suviaziami va ŭradzie hetaj krainy. Jaho imia zhadvałasia ŭ ramkach prajekta pa zdabyčy zołata kampanii Zim GoldFields, jaki pryciahnuŭ uvahu žurnalistaŭ. Zinhman byŭ adnym z kančatkovych uładalnikaŭ hetaj firmy — da jaho vioŭ łancužok ad afšornaj kampanii, choć sam biznesmien heta admaŭlaŭ.
Aleh Vodčyc, dziełavy partnior Zinhmana, taksama, pavodle infarmacyi The NewsHawks, byŭ zamiašany ŭ sumnieŭnych apieracyjach.
U 2021 hodzie abodvuch biznesmienaŭ zatrymlivali ŭ Demakratyčnaj Respublicy Konha paśla sustrečy z byłym prezidentam Žazefam Kabiłam. Tady ich zapadozryli ŭ niezakonnych ździełkach, źviazanych z handlem zbrojaj.
Zaprašeńnie Zinhmana i Vodčyca na klimatyčny samit jak pradstaŭnikoŭ afrykanskaj krainy vyklikała niehatyŭnuju reakcyju ŭ niekatorych zimbabvijskich ekśpiertaŭ i palitykaŭ. Tak, vykanaŭčy dyrektar Centra kiravańnia pryrodnymi resursami Zimbabve Faraj Mahuvu havoryć:
«Dačynieńnie hetych dvaich da zimbabvijskaj delehacyi patrabuje rasśledavańnia, uličvajučy ich nieadnaznačnuju historyju, jakaja ŭklučaje ŭ siabie niajakasnuju zdabyču karysnych vykapniaŭ i ŭhody sa zbrojaj. Zimbabve znoŭ i znoŭ demanstruje schilnaść da viadzieńnia biźniesu ź fizičnymi i jurydyčnymi asobami, čyja prafiesijnaja i dziełavaja chvatka vyklikaje sumnievy».
ŚMI: U aeraporcie DR Konha zatrymany biznesoviec, blizki da Šejmana
Pomnik «podźvihu savieckaha naroda» pastaviać u Zimbabve
Prezident Zimbabve doŭha nie moh zavieści traktar ad Łukašenki VIDEA
Šejman sustreŭsia z prezidentam Zimbabve. Biełaruskija dziaržaŭnyja ŚMI pra heta nie paviedamili
Ad palityčnych kantaktaŭ u Afrycy pakul niama tołku dla ekanomiki — Hałoŭčanka
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh4
Kamientary