Navahrudski archijepiskap zajaviŭ, što Zialenski kupiŭ mašynu Hitlera. Heta daŭno abvierhnuty fiejk
U jeparchijalnaj haziecie apublikavali intervju archijepiskapa Navahrudskaha i Słonimskaha Huryja z fejkam, jaki ŭžo daŭno abvierhli.
U intervju jepiskap BPC Maskoŭskaha patryjarchatu razvažaje pra mižnarodnuju palityku. Naturalna, z punktu hledžańnia rasijskaj prapahandy.
Tak, Huryj u materyjale, jaki zaŭvažyła «Chryścijanskaja vizija», nazyvaje hałoŭnaj metaj ZŠA źniščeńnie pravasłaŭja, raskazvaje, jak žychary krain Zachadu nibyta masava biahuć žyć u Rasiju i Biełaruś ad «niapravilnych kaštoŭnaściaŭ». A taksama, spasyłajučysia na adnaho sa śviatych, pradkazvaje hłabalnuju pieramohu Rasii:
«Rasija ŭvaskreśnie ź miortvych, i ŭvieś śviet ździvicca… Vorahi abrynucca na Rasiju, jak saranča, i tady suprać jaje apałčycca ŭvieś śviet. Rasija strašna zhrašyła pierad dabrynioj Haspodniaj… Ale apantanaść projdzie, narod vylečycca, źvierniecca da pakajańnia, viery».
Asobna Huryj spyniajecca na Ukrainie, krytykujučy zabaronu Ukrainskaj pravasłaŭnaj carkvy Maskoŭskaha patryjarchatu. I tut archijepiskap paŭtaraje fejk, jaki daŭno abvierhli.
«Jak paviedamlajuć navinavyja partały, prezident Uładzimir Zialenski kupiŭ za 15 miljonaŭ dalaraŭ limuzin Hitlera, jaki zachavaŭsia da našych časoŭ. Kiraŭnik Ukrainy, padobna, atajasamlivaje siabie z nacystami, usimi siłami sprabujučy dahadzić Zachadu. I heta pry tym, što jaho dzied zmahaŭsia z hitleraŭskimi akupantami ŭ hady Vialikaj Ajčynnaj vajny…» — śćviardžaje Huryj.
Viadoma ž, heta niapraŭda. Falšyvaja navina ab tym, što prezident Ukrainy kupiŭ limuzin Hitlera, stała raspaŭsiudžvacca pa prarasijskich kanałach i ŚMI ŭ pačatku kastryčnika. Jaje pieršakrynica — sajt Seattle Tribune, jaki, pavodle viersii «Hołasu Amieryki», moža ŭvachodzić u rasijskuju sietku psieŭdaśmi pad kiraŭnictvam byłoha marpiecha ZŠA Džona Duhana. «Naša Niva» raskazvała pra hetuju sietku pa raspaŭsiudžvańni dezinfarmacyi ŭ intaresach rasijskich śpiecsłužbaŭ.
Sam post na Seattle Tribune byŭ całkam falsifikavany. Sajt spasyłaŭsia na paviedamleńnie va ŭkrainskim telehram-kanale, jakoha ŭ realnaści nie było. A skrynšot ź limuzinam, jaki nibyta staić pierad rezidencyjaj Zialenskaha ŭ Kijevie, byŭ stvorany ŭ fotašopie.
Anałahičny Mercedes-Benz sapraŭdy vystaŭlali na aŭkcyjon u ZŠA ŭ 2018 hodzie, pra što paviedamlała realnaje ŚMI The Seattle Times — adtul aŭtary fejkavaj naviny i ŭziali častku infarmacyi. Aŭtamabil praź niekatory čas kupiŭ chtości z-za miažy, ale arhanizatary aŭkcyjonu nie stali nazyvać kankretnaje imia.
Žurnalisty tam ža pryvodzili słovy niamieckaha pradaŭca staradaŭnich aŭtamabilaŭ, jaki kazaŭ, što ŭ 2009 hodzie šeść padobnych mašyn byli nabytyja rasijskim miljarderam. Siarod ich byŭ i aŭtamabil, zhadany ŭ fejkavym artykule.
Spasyłku na bot «Hajuna» siłaviki znajšli na telefonie zatrymanaj aktyvistki, jakaja praciahły čas chavałasia ŭ Biełarusi6
Kamientary
Nie Zialenski, a Kiryła Hundziajeŭ, nie aŭto, a hadzińnik, i nie za 15 młn., a za 30 tys. $.