«Kali sprava abmiažujecca «hłybokimi spačuvańniami», to takija žudasnyja naviny buduć źjaŭlacca pastajanna» — Cichanoŭskaja
Śviatłana Cichanoŭskaja vystupiła na mierapryjemstvie «Abarona demakratyi: jak supraćstajać infarmacyjnym manipulacyjam», arhanizavanym centram GLOBSEC u ramkach Miunchienskaj kanfierencyi pa biaśpiecy. Padčas pramovy Śviatłana Cichanoŭskaja adznačyła: siońnia žyćci tysiačaŭ biełaruskich palitviaźniaŭ zaležać ad reakcyi krain Zachadu na zabojstva Alaksieja Navalnaha.
«Zabojstva Navalnaha — zmročny napamin ab tym, što biaśpieka, demakratyja i pravy čałavieka ŭzajemaźviazanyja.
Kali ŭrad nie pavažaje svaich hramadzian, jon nie budzie pavažać mižnarodny paradak», — skazała Cichanoŭskaja.
«Žyćci Statkieviča, Babaryki, Kaleśnikavaj i tysiačaŭ inšych ludziej zaraz napramuju zaležać ad reakcyi Zachadu na zabojstva Navalnaha.
Kali sprava abmiažujecca «hłybokimi spačuvańniami», to treba być hatovymi da taho, što takija žudasnyja naviny buduć źjaŭlacca pastajanna», — padkreśliła jana.
«Mnie strašna ad dumki, što nastupnym moža stać moj muž. Ja ŭžo hod nie atrymlivaju ad jaho nijakich viestak i nie viedaju, ci žyvy jon.
U nas tysiačy palityčnych źniavolenych, jakija znachodziacca ŭ ciažkim stanie. Mnohija ŭtrymlivajucca biez suviazi sa źniešnim śvietam. Niekalki čałaviek užo zahinuli ŭ źniavoleńni.
Mnie padajecca, dyktatary naŭmysna praviarajuć, nakolki daloka jany mohuć zajści biez nastupstvaŭ», — nahadała Cichanoŭskaja.
«Nam treba pašyrać supracoŭnictva pamiž uradami, aktyvistami, mižnarodnymi arhanizacyjami i pryvatnymi kampanijami. Patrebnyja nadziejnyja srodki kamunikacyi i płatformy, jakija ŭzmocniać našy hałasy.
Nam treba nie tolki ŭśviadomić svaju siłu, ale i efiektyŭna karystacca joju», — zaklikała biełaruskaja demakratyčnaja lidarka.
Čytajcie taksama:
Śviatłana Cichanoŭskaja sustrełasia ź Julijaj Navalnaj
Cichanoŭskaja: Niama sumnievaŭ u tym, što Navalnaha metanakiravana zabiŭ pucinski režym
-
Anastasija Niufier z ZŠA, vyzvalenaja ŭ Biełarusi ŭ dzień vybaraŭ, apublikavała pieršaje fota
-
Raskład niekatorych aŭtobusaŭ i tralejbusaŭ źmianiajecca ŭ Minsku z pryčyny ramontu mostu na praśpiekcie Niezaležnaści
-
U 35 hadoŭ pamior padpałkoŭnik, jaki zajmaŭsia asabliva važnymi spravami ŭ centralnym aparacie MUS
Kamientary