Rabotnika BMZ, jakoha abiacali adpuścić paśla zatrymańnia, pačynajuć sudzić pa kryminalnym artykule
Dźmitryja Ščerbina, jaki pracavaŭ na Biełaruskim mietałurhičnym zavodzie ŭ Žłobinie i byŭ žorstka zatrymany siłavikami, 16 lutaha pačnuć sudzić pa artykule 130 KK «Raspalvańnie rasavaj, nacyjanalnaj, relihijnaj abo inšaj sacyjalnaj varožaści». Maksimalnaje pakarańnie pa hetym artykule — da piaci hadoŭ pazbaŭleńnia voli, zaŭvažyŭ «Fłaštok».
Dźmitryja schapili ŭ kastryčniku 2023 hoda, apublikavaŭšy videadopyt ź jaho ŭdziełam. Ananimny telehram-kanał, jaki kantraluje KDB, abvinavaciŭ jaho va ŭdziele ŭ zavadskich pratestach u 2020 hodzie. Pry hetym paviedamlałasia, što Źmiciera nie buduć praciahvać pieraśledvać:
«Paśla adkrytaj hutarki z supracoŭnikami pravaachoŭnych orhanaŭ i dakładnaj acenki svaich dziejańniaŭ jon moža spakojna žyć i pracavać. Tak što milicyja vykarystoŭvaje nie tolki siłavyja mietady, ale i razmovy pa dušach. Pałku nichto nie pierahinaje».
Ale paśla zatrymańnia Źmicier amal miesiac tak i nie vychodziŭ u sacsietki. Vierahodna, jaho adpraŭlali «na sutki». A zaraz stała jasna, što raspačali jašče i kryminalnuju spravu za kamientary ŭ internecie — uvieś hety čas mužčyna znachodzicca ŭ źniavoleńni.
Pa infarmacyi resursa Dissidentby, mužčynie 29 hadoŭ, u jaho troje dziaciej. Praces nad im budzie vieści sudździa Vadzim Babyroŭ.
Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk29
Kamientary
A što ž aŭtar kdbšnaha kanała baicca nazvać svajo proźvišča?
Nie ŭpeŭnieny, što ŭłada Łukašenki budzie trymacca viečna? Baicca, što paśla źmieny ŭłady budzie pakarany za svaju słužbu na karnuju strukturu łukašyzmu?