Novy ŭładalnik nie zmoža vykarystoŭvać brend EPAM u Rasii.
Raspracoŭščyk prahramnaha zabieśpiačeńnia EPAM pradaŭ rasijskuju jurydyčnuju asobu «EPAM Sistemz» rasijskaj hrupie «Reksoft». Ździełka adbyłasia 2 žniŭnia, jak paviedamlaje ahienctva «Intierfaks».
«Reksoft» paviedamiŭ, što hrupa nabyła 100% kampanii RNT Group, jakaja źjaŭlajecca pravaŭładalnikam TAA «EPAM Sistemz» — «dački» EPAM Systems Inc. u Rasii.
Jak paviedamili «Intierfaksu» ŭ «Reksofcie», pavodle ŭmoŭ pahadnieńnia z EPAM Systems Inc. kampanija nie moža vykarystoŭvać brend EPAM u Rasii.
«Z ulikam płanavanaha źjaŭleńnia novaha brenda abjadnanaha prajekta i času na intehracyju kamandaŭ było pryniata rašeńnie ab pracy ŭ hety pieryjad pad brendam RNT Group», — skazali ŭ kampanii.
U paviedamleńni taksama ŭdakładniajecca, što ŭmovy ździełki nie ŭtrymlivajuć apcyjonu na zvarotny vykup. Płanujecca, što asnoŭnyja kroki pa abjadnańni zojmuć kala hoda. Suma ździełki nie nazyvajecca.
EPAM Systems Inc., raspracoŭščyk zakaznoha prahramnaha zabieśpiačeńnia, byŭ zasnavany ŭ 1993 hodzie. U krasaviku 2022 hoda kampanija paviedamiła pra namier spynić pracu ŭ Rasii na fonie vajny va Ukrainie. Rasijskaja jurasoba kampanii była zarehistravanaja ŭ 2001 hodzie. U 2022 hodzie kampanija skaraciła vyručku na 47,6% — da 15 młrd rasijskich rubloŭ. Kampanija atrymała čystuju stratu pamieram 3 młrd rubloŭ suprać prybytku 5,5 młrd rubloŭ u 2021 hodzie.
«Reksoft» — adzin ź viadučych rasijskich raspracoŭščykaŭ ličbavych rašeńniaŭ dla takich śfier, jak banki i finansy, dziaržsiektar, retejł, transpart, łahistyka, IT, telekam, miedyja, haściničny biznes.
Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»40
Kamientary