Fienomien Midjourney: čamu hetaja niejrasietka stała miehapapularnaj i jak joj karystacca?
Pryvodzim prostuju i pakrokavuju instrukcyju.
Usio tak, hety art na zastaŭcy artykuła nie zrobleny zvyčajnym čałaviekam. Jaho stvaryŭ štučny intelekt pad nazvaj Midjourney, jaki nabraŭ vialikuju papularnaść z momantu svajho źjaŭleńnia ŭ červieni 2022 hoda.
Hetaja niejrasietka zdolnaja pieratvarać u karcinku absalutna luby tekstavy zapyt karystalnika, časam robiačy heta lepš za šmatlikich realnych veb-dyzajnieraŭ i hienierujučy adrazu niekalki varyjantaŭ napisanaha vami pažadańnia.
Dla taho, kab pačać joj karystacca, treba vykanać nastupnyja kroki:
- Ustalujcie sabie na pryładu dadatak Discord (jość u kramach Google Play i App Store) i stvarycie tam svoj ułasny akaŭnt. U samim dadatku padtrymlivajucca ruskaja i ŭkrainskaja movy, a biełaruskaj, na žal, niama.
- Paśla hetaha prajdzicie pa zaprašalnaj spasyłcy na aficyjny siervier Midjourney albo znajdzicie jaho samastojna ŭ pošukaviku Discord (značok pošuku budzie ŭnizie ŭ centry hałoŭnaha ekrana dadatka).
- Zatym znajdzicie raździeł Newscomer Rooms i zajdzicie ŭ adzin z čataŭ Newbies (naprykład, u newbies-135 ci luby inšy).
- U abranym čacie budzie znachodzicca mnostva inšych karystalnikaŭ, jakija buduć tam rehularna rabić tekstavyja zapyty i atrymlivać hatovyja karcinki. Kab zrabić tekstavy zapyt, napišycie ŭnizie ŭ radku /, i adrazu ž źjavicca śpis roznych kamand.
- Naciśnicie na kamandu /imagine i zatym napišycie svajo tekstavaje pažadańnie na anhlijskaj movie, paśla čaho źjavicca niekalki vizualnych varyjantaŭ vašaha zapytu.
- Rekamiendujem apisvać svajo žadańnie bolš padrabiazna, kab Midjourney daŭ bolš jakasnyja i dakładnyja vyniki (Naprykład: on a lifeless planet a huge robot with a small boy are walking in the ruined alien's city — na płaniecie, na jakoj nichto nie žyvie, vielizarny robat i maleńki chłopčyk špacyrujuć pa razburanym horadzie pryšelcaŭ).
- Pad atrymanymi artami vy ŭbačycie značok paŭtoru hienieracyi, a taksama knopki «U1, U2, U3, U4» i «V1, V2, V3, V4». Vierchni radok — heta vybar adnoj z karcinak, jakaja stvorycca asobna ŭ bolš detalizavanaj i vysokaj jakaści; nižni radok — heta vybar karcinki, na asnovie jakoj zhienierujucca jašče čatyry varyjanty. Usie hetyja arty možna spampoŭvać sabie na pryładu (albo kałažam, albo asobnymi karcinkami).
- U biaspłatnaj viersii Midjourney možna zrabić tolki 25 tekstavych zapytaŭ u adnym z vyšejzhadanych ahulnych čataŭ. U płatnaj viersii dla zručnaj hienieracyi možna vykarystoŭvać asobny Midjourney bot biez usialakich čataŭ, pry hetym kolkaść mahčymych zapytaŭ značna pavialičvajecca. Dla płatnaj padpiski treba ŭvieści ŭ adnym z čataŭ kamandu /subscribe. Pačatkovy płan budzie kaštavać krychu bolš za 10 dalaraŭ u miesiac.
Pakazvajem na prykładach, jak heta pracuje
1) Partret biełaruskaj ramantyčnaj pary na fonie piejzažaŭ rodnaha kuta Biełarusi — The portrait of a belarusian romantic couple with landscapes of the native land of Belarus on the background.
2) Biełaruski końnik jedzie pa lesie — Belarusian horseman rides through the forest.
3) U dalokaj budučyni čałaviek praz akno chmaračosa hladzić na Minsk — In the far future a man looks at Minsk through the window of a skyscraper.
4) Ilustracyja na temu «Chrystos pryziamliŭsia ŭ Harodni» — The illustration on the topic «Christ appears in Grodno».
5) «Ludzi na bałocie» ad biełaruskaha viadomaha piśmieńnika Ivana Mieleža — «People in the swamp» from belarusian well-known writer Ivan Melezh.
Čytajcie jašče:
Ci možna ličyć stvoranyja štučnym intelektam karciny mastactvam? Voś niekalki arhumientaŭ
Dla dyzajnierskaj prahramy Figma źjaviłasia novaja niejrasietka-pamočnik Genius
Google stvaryŭ niejrasietku MusicLM, jakaja moža hienieravać muzyku pa apisańni karystalnika
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie8
Kamientary
PS šutka, čto nie śmiešno? Da nie śmiešno (((