Šmat busłoŭ pierastała mihravać u Afryku, im dobra na ispanskich śmietnikach
Kala 70% busłoŭ bolš nie mihrujuć u Afryku, u asnoŭnym z-za lohkadastupnaj ježy, jakuju jany mohuć znajści ŭ Ispanii na śmietnikach, piša Rfi.fr. Tam jany i pravodziać usiu zimu, a niekatoryja zastajucca nazusim.
Akramia bahaćcia ježy, źmienie ptušynych pavodzin spryjaje źmianieńnie klimatu: zimy na Piryniejskim paŭvostravie ciapier stali bolš miakkimi.
U mnohich ispanskich haradach, takich jak Pinta i Alkała-de-Enares ŭ vakolicach Madryda, u apošnija dziesiacihodździ źjavilisia vielizarnyja śmietniki, dzie ptuški kruhły hod mohuć znajści sabie ježu. Na kožny śmietnik štodnia pastupaje ad 200 da 300 ton charčovych adchodaŭ, i busły adrazu nakiroŭvajucca ŭ zony, «dzie jość śviežaje śmiećcie». Rabočyja, jakija pracujuć na śmietnikach, kažuć, što heta ŭžo nieadjemnaja rysa łandšaftu tam.
Pierapis 2020 hoda, praviedzieny arhanizacyjaj SEO Birdlife, vyjaviŭ u Ispanii 36217 biełych busłoŭ. U hety lik uvachodziać ptuški, jakija naradzilisia ŭ Ispanii, a taksama busły z paŭnočnych jeŭrapiejskich krain — Danii, Hiermanii i Niderłandaŭ. Mnohija ź ich tak i nie viartajucca na radzimu, a zastajucca ŭ Ispanii.
Ci jość siarod biełych ptušak na ispanskich śmietnikach vychadcy ź Biełarusi ci susiednich krain — aŭtary artykuła nie zhadvajuć.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary
Zimoj vrodie uletajut. Možiet i na ispanskije razdolja.
Tam kstati i čajek tri ili čietyrie vida voditsia.
Skoro zapoviednyj status pridietsia prisvaivať.
Kotoryj u Lebiażjeho zabrali.