Łukašenka pra pryniaćcie novaj Kanstytucyi: Kali ŭžo ščyra, to mnie hety praces absalutna nie patrebny
«Dalej dva varyjanty: ci narod prymaje źmieny da hetaj Kanstytucyi, i ŭ nas źjaŭlajecca abnoŭlenaja Kanstytucyja, ci jon adchilaje hetyja prapanovy, i ŭ nas zastajecca staraja Kanstytucyja. U hetym uvieś adkaz na pytańnie, kamu heta vyhadna i kamu heta treba», — skazaŭ Łukašenka na naradzie, pryśviečanaj abmierkavańniu prajekta źmianieńniaŭ Kanstytucyi.
Alaksandr Łukašenka zaŭvažyŭ, što časam možna čuć zajavy ab tym, što «heta treba tolki Łukašenku».
«Kali ŭžo ščyra, to mnie hety praces absalutna nie patrebny. U mianie, jak vy bačycie, jość masa pytańniaŭ, jość čym zajmacca.
Prabačcie za niaścipłaść, časam ich nastolki šmat, što navat pasiadzieć dzieści doma, pierachvareć i tak dalej niama mahčymaści, — skazaŭ jon — Nie mohuć viarnucca maje syny, maje chłopcy, bolš za 200 čałaviek… ja ich nie mahu nie sustreć u aeraporcie (razmova pra sustreču vojskaŭ, jakija viarnulisia z Kazachstana), i daručyć nikomu heta nie mahu», — skazaŭ Łukašenka.
«Tamu nie treba tut zamykacca na Łukašenku. Łukašenka svajo zrabiŭ. Zastałosia asnoŭnaje — pryniać Kanstytucyju, źmianić zakony, pryvieści ŭ adpaviednaść z Kanstytucyjaj. Heta my zrobim, heta nie prablema, — zajaviŭ Łukašenka. —
Kali my heta ŭsio zrobim, ustakanim, dašlifujem, kali heta treba budzie, tady, kali łaska, prychodźcie, budziem farmavać novyja orhany ŭłady i žyć dalej pa novych zakonach i novych praviłach».
Razam z hetym Łukašenka źviarnuŭ uvahu, što ni ŭ Kanstytucyi, ni ŭ zakonach usio nie prapišaš.
«Kanstytucyja, zakony, ład žyćcia, vopyt mnohich pakaleńniaŭ — jany farmujuć mientalitet, charaktar naroda. I heta hałoŭnaje. Bo my z vami, zvyčajnyja ludzi, 90% žyvuć ža nie tamu, što jany vyvučyli Kanstytucyju i viedajuć zakony. Jany vyrazna razumiejuć, što možna, a što nielha, što drenna, a što dobra. I heta farmujecca dziesiacihodździami i stahodździami. I heta hałoŭnaje dla luboj dziaržavy, luboj krainy i naroda», — upeŭnieny jon.
Kamientary