U Minsku pry dziŭnych abstavinach zatrymali aktyvistku. Jaje advieźli na dopyt
Minčanku Irynu Ščasnuju zatrymali kala jaje doma siońnia, 18 listapada. Pra heta Tut.by paviedamiła jaje siastra Natalla. Zatrymańnie i nastupny pieratrus adbyvalisia na vačach 10-hadovaha syna žančyny.
Jak raspaviała svajačka Iryny, jaje zatrymali doma kala 13:50 supracoŭniki siłavych struktur i dastavili na dopyt. Paśla hetaha ŭ kvatery žančyny pa vulicy Vałhahradskaj na praciahu dźviuch hadzin pravodzili pieratrus. U vyniku kanfiskavali noŭtbuk, telefon, hrašovyja srodki.
Iryna paśpieła raspavieści, što siońnia da jaje ŭ dźviery ŭžo niekalki razoŭ hrukali, ale jana nie adkryvała. Žančyna nie viedała, što jaje maci źbirajecca pryjechać, i nie papiaredziła jaje.
— U mamy jość klučy ad Irynaj kvatery. Dalej usio raspaviadaju sa słoŭ mamy, — kaža siastra zatrymanaj Natalla. — Supracoŭniki siłavoha viedamstva vyhladali jak rabotniki ŽESa. Kali mama zachodziła ŭ padjezd doma Iryny, «žesaŭcy» pacikavilisia, ci jość u kvatery haračaja vada. Mama adkazała, što nie pražyvaje tut i nie moža adkazać na ich pytańnie. Tady hetyja supracoŭniki zajšli razam ź joj u padjezd, a kali jana adčyniała dźviery kvatery, žorstka adšturchnuli jaje — piensijanierku 64 hadoŭ. Čałaviek, jaki adšturchnuŭ mamu, pradstaviŭsia Paŭłam Sidarčukom.
Natalla dadaje, što ŭsio apisanaje adbyvałasia na vačach 10-hadovaha syna Iryny i vielmi jaho napałochała.
— Mama skazała, što siłaviki pavodzili siabie vielmi hruba i biescyrymonna. Jany skazali, što Iru viazuć na dopyt «u adździaleńnie KDB pobač z parkam Horkaha», — dadaje Natalla. — Mama ciapier u šokavym stanie i nie moža dakładna skazać. Pakul heta ŭsie padrabiaznaści.
Svajaki raspaviali, što Iryna ŭdzielničała ŭ «płoščy-2010» i inšych apazicyjnych mierapryjemstvach, za što siadzieła «sutki» na Akreścina jašče niekalki hadoŭ tamu. «Napeŭna, i ŭ sacyjalnyja sietki vykładvała niešta «antyŭradavaje» i było da čaho pryčapicca», — miarkuje siastra Natalla.
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh2
Kamientary