У гадавіну гібелі Рамана Бандарэнкі заходнія дыпламаты выступілі з заявай
Дыпламаты краін Еўрасаюза і ЗША выступілі з супольнай заявай у гадавіну гібелі Рамана Бандарэнкі. Яны нагадалі і пра беларускіх палітвязняў, якія загінулі за кратамі.
«12 лістапада 2020 года ад рук беларускага рэжыму загінуў Раман Бандарэнка. Амаль праз чатыры гады ў беларускай калоніі памёр палітвязень Дзмітрый Шлетгаўэр. З 2020 года ў беларускіх турмах памерлі сем палітвязняў. Абарвалася занадта шмат жыццяў. Мы памятаем пра гэтыя ахвяры і заклікаем да неадкладнага і безумоўнага вызвалення ўсіх палітвязняў», — гаворыцца ў звароце.
Заяву падпісалі амбасады Аўстрыі, Балгарыі, Вялікабрытаніі, Нямеччыны, Ірландыі, Латвіі, Літвы, Нідэрландаў, Польшчы, Румыніі, Славакіі, ЗША, Чэхіі і Швецыі.
Сёння — чацвёртая гадавіна смерці абаронца Плошчы Перамен Рамана Бандарэнкі.
«Глабальна няма розніцы паміж мной, Пазняком і Ціханоўскай». Чым сёння жыве дысідэнт Вячаслаў Сіўчык — вялікая гутарка2
Каментары