Bot Biełaruskaha Hajuna byŭ uzłamany. Chto tudy pisaŭ — pad pahrozaj
Adbyŭsia niezakonny dostup da bota manitorynhavaj hrupy «Biełaruski Hajun».
«U vyniku niesankcyjanavanaha ŭvachodu siońnia ranicaj byŭ atrymany dostup da čatu z botam Hajuna, kudy źbirałasia infarmacyja ad ludziej. My nie viedajem, jaki abjom dadzienych moh być vyhružany za toj čas, pakul u starońniaha akaŭnta byŭ dostup», — paviedamiŭ Anton Matolka ŭ svaim telehram-kanale.
U hetaj situacyi spracavała čałaviečaja pamyłka, i «hetaja pamyłka była majoj», napisaŭ Anton Matolka.
«Kali vy dasyłali infarmacyju, jakaja moža vas identyfikavać, abo pisali z akaŭntaŭ, jakija mohuć vas identyfikavać, vy pad pahrozaj. Taksama nastojliva rekamiendujem usim, chto karystajecca akaŭntam u telehramie praciahły pieryjad, vydalić jaho i stvaryć novy, i rekamiendujecca tak rabić choć by raz u hod. U dadzieny momant krytyčnyja ŭraźlivaści vypraŭlenyja, ale ja razumieju, što, na žal, my nie zmahli całkam abaranić ludziej», — paviedamlaje Anton Matolka.
Paźniej błohier u svaim telehram-kanale patłumačyŭ, što adbyłosia.
«1. Uvachod u čat z botam adbyŭsia pa staroj spasyłcy, stvoranaj 2 sakavika 2022 hoda.
Na žal, u hety momant u naładach čata nie była ŭklučanaja funkcyja» schavać paviedamleńni dla novych karystalnikaŭ». Kali b jana była ŭklučanaja — nijakaha dostupu ŭ HUBAZiKa nie było.
3. Čałaviek, jakoha jany [HUBAZiK] pakazvajuć na skrynšotach, nie mieŭ nijakich dostupaŭ sa studzienia 2023 hoda».
«Paśla ŭvachodu ŭ čat siońnia nočču była zroblena vyhruzka historyi čata. My nie viedajem, ci paśpieli jany vyhruzić fota i videa, ale lepš prytrymlivacca horšaha scenara», — dadaŭ jon paźniej.
Biełaruski Hajun — manitorynhavy OSINT-prajekt, jaki adsočvaje vajennuju aktyŭnaść rasijskich i biełaruskich vojskaŭ. Manitorynhavaja hrupa była stvoranaja pierad pačatkam rasijska-ŭkrainskaj vajny aktyvistam Antonam Matolkam.
Kamientary
Prisyłali by tiebie ludi na proton jemajł informaciju s vklučiennym vpn i biedy dla ludiej niet.
Kakije žie vy vsie …
Vot čto hranty diełajut