U šviedskim horadzie Erebru za 200 km ad Stakholma adbyłasia stralanina ŭ navučalnym centry dla darosłych, raźmieščanym pa susiedstvie sa škołaj. Pavodle apošnich źviestak, padčas jaje zahinuli «kala 10 čałaviek», piša Deutsche Welle.
U vyniku ŭzbrojenaha napadu na navučalny centr dla darosłych u šviedskim horadzie Erebru, raźmieščanym prykładna za 200 kiłamietraŭ na zachad ad stalicy krainy Stakholma, pavodle apošnich źviestak, zahinuli «kala 10 čałaviek», u tym liku strałok. Pra heta paviedamiła miascovaja palicyja.
Raniej paviedamlałasia tolki pra piać paciarpiełych, jakija atrymali ahniastrelnyja ranieńni i byli špitalizavanyja.
«Ciapier heta razhladajecca jak zamach na zabojstva, padpał i złačynstva z užyvańniem zbroi pry abciažarvalnych abstavinach», — zajaviła raniej palicyja.
Infarmacyju pra stralaninu paćvierdziŭ ministr justycyi Šviecyi Hunar Stremier, nazvaŭšy situacyju «vielmi surjoznaj».
Supracoŭnik kramy, raźmieščanaj pobač ź miescam incydentu, raskazaŭ žurnalistam, što čuŭ «piać karotkich vybuchaŭ». Pa słovach navučencaŭ, jakija razam z nastaŭnikami zmahli schavacca ŭ susiedniaj restaracyi, u škołu ŭvajšoŭ «čałaviek u mascy» i pačaŭ stralaninu.
Pa stanie na 2023 hod u Erebru žyli kala 130 tysiač čałaviek. Va ŭniviersiteckim kampusie horada znachodziacca niekalki navučalnych ustanoŭ dla dziaciej i darosłych. Centry adukacyi dla darosłych naviedvajuć u asnoŭnym tyja, chto nie skončyŭ pačatkovuju abo siaredniuju škołu.
Kamientary