«Pierahar na ŭvieś kabiniet». Błohierka paskardziłasia na doktara, jaki admoviŭ joj u balničnym. U historyju ŭmiašałasia Minzdaroŭja

Błohierka raspaviała pra vizit u 36-ju staličnuju palikliniku 31 śniežnia. Dziaŭčyna raspaviadaje, što adčuvała siabie drenna: u jaje byŭ mocny kašal i zakładzieny nos. Tempieraturu, praŭda, pierad vizitam da doktara jana źbiła: termomietr u paliklinicy pakazaŭ 36,9.

Pieršy doktar nakiravaŭ dziaŭčynu na analiz kryvi i renthien. Kali błohierka viarnułasia z vynikami, u kabiniecie byŭ užo inšy doktar. Dziaŭčyna zajaviła, što ad jaho mocna pachła pieraharam.

Doktar ubačyŭ, što renthien čysty, i vyrašyŭ pravieści jašče adzin ahlad. Paśla hetaha jon daŭ pacyjentcy rekamiendacyi, ale ŭ vydačy balničnaha admoviŭ.

«Jon skazaŭ, što balničnyja 31 śniežnia nie vydaje. Ja pytajusia: a ź jakoj pryčyny? U mianie tempieratura, ja siabie drenna adčuvaju, u mianie kašal. Miedsiastra adkazała: «Vy što, televizar nie hladzieli?» Nie, ničoha takoha ja nie hladzieła, siońnia rabočy dzień», — kaža dziaŭčyna.

@rabtsava_ Srazu podumała, čto nie budu pisať v Minzdrav. No potom riešiła, čto vsie žie napišu, potomu čto nie vsie takije kak ja pojdut k zaviedujuŝiej. Kto-to raźviernietsia i pojdiot domoj. A nie daj boh vospalenije ili čto jeŝio chužie. I dažie tiempieraturu nie pomieriajut poka rot nie otkroješ, a prosto dadut «riekomiendacii». Vsiem žiełaju nie boleť❤️ #minzdrav #poliklinika #36poliklińnika ♬ orihinalnyj zvuk - RIABCIEVA

Doktar jašče raz pamieraŭ tempieraturu: jana padniałasia da 37,2. Adnak jon zajaviŭ, što ŭsio roŭna balničny nie daść, i nakiravaŭ dziaŭčynu da zahadčycy. Taja, paśla čarhovaha ahladu i vymiareńnia tempieratury, jakaja znoŭ krychu pavysiłasia, usio ž taki vypisała balničny.

Videarolik sabraŭ u tyktoku 882 tysiačy prahladaŭ, i sprava zacikaviła Ministerstva achovy zdaroŭja. Jak pišuć «Minsk-Naviny», u palikliniku była nakiravanaja kamisija, jakaja nie vyjaviła nijakich parušeńniaŭ. Słovy dziaŭčyny pra pierahar u doktara nie paćvierdzili inšyja pacyjenty, jakija byli ŭ paliklinicy ŭ toj dzień.

Hałoŭny doktar palikliniki Andrej Mahiera zajaviŭ, što dziaŭčyna pavodziła siabie pravakacyjna.

«Padstaŭ dla vydačy balničnaha vyjaŭlena nie było. Ale dziaŭčyna śćviardžała advarotnaje. Dla vyrašeńnia kanfliktnaj situacyi, a taksama ŭ suviazi z najaŭnaściu ŭ pacyjentki minimalnych kliničnych simptomaŭ naš śpiecyjalist nakiravaŭ jaje da zahadčycy adździaleńnia.

Chaču adznačyć, što tam minčanka pavodziła siabie pravakacyjna i sprabavała zdymać razmovu na videa. Jaje niervovy i ŭzbudžany stan moh paŭpłyvać na pavyšeńnie tempieratury, jakaja pry čarhovym vymiareńni była ŭ miežach 37,4», — adznačyŭ Mahiera.

Balničny dziaŭčyna zakryła 3 studzienia — u hety ž dzień vyjšła jaje videa. Pierad hetym błohierka publikavała videa z adznačeńnia Novaha hoda: jana śpiavała pieśni, chvaliłasia butelkaj śpirtnoha na stale i kazała, što, moža być, źbiarecca ŭ hości.

Niekatorych kamientataraŭ heta źbiantežyła: maŭlaŭ, kali čałaviek chvory, jon tak aktyŭna nie śviatkuje. Chtości napisaŭ, što doktar, na jakoha skardzicca dziaŭčyna, adzin z samych kampietentnych, a vydavać balničny 31 śniežnia jamu, vidavočna, zabaraniła načalstva.

Inšyja, naadvarot, padtrymali dziaŭčynu: «Nie razumieju, čamu tak pryviazvajucca da tempieratury pry vydačy balničnaha? Bo mnohija ludzi chvarejuć biez tempieratury, i heta značna horš».

• 0
• 0
• 2
• 6
• 1
• 0
• 0
• 0