U samym pačatku navučalnaha hoda ź Liceja BDU zvolniłasia dyrektarka
U pačatku navučalnaha hoda Licej BDU zastaŭsia biez dyrektara. Telehram-kanał navučalnaj ustanovy paviedamiŭ, što Hanna Čubarava pakidaje svaju pasadu. Pryčyny nie nazyvajucca.
«Ciapier Hanna Siarhiejeŭna pakidaje svaju pasadu dyrektara liceja», — havorycca ŭ paście, apublikavanym 21 vieraśnia ŭ telehram-kanale Liceja BDU.
Taksama tam — słovy padziaki «za prafiesijanalizm u jakaści nastaŭnika, administratara i dyrektara».
Ź jakoj nahody dyrektar navučalnaj ustanovy pakinuła pasadu ŭ vieraśni — samym pačatku navučalnaha hoda, — nie paviedamlajecca.
Chto ŭznačalić Licej BDU, taksama pakul nieviadoma.
Hanna Čubarava stała dyrektaram Liceja BDU ŭ žniŭni 2021 hoda. Z adukacyi jana bijachimik, skončyła bijałahičny fakultet BDU. Abaraniła kandydackuju dysiertacyju.
Paśla skančeńnia aśpirantury pryjšła na pracu ŭ Licej BDU. Spačatku vykładała bijałohiju. Paśla abarony dysiertacyi stała zahadčycaj kafiedry pryrodaznaŭčych navuk. Čatyry hady pracavała namieśnikam dyrektara pa vučebnaj rabocie.
Papiaredni dyrektar Ihar Varaksa kiravaŭ Licejem mienš za dva hady. «Licej nie zmoh by nadalej isnavać na vyśpie, adrezany ad usioj astatniaj sistemy adukacyi. U svaju čarhu, mnie nie chaciełasia b bačyć na ŭłasnyja vočy zaniapad toj spravy, u jakuju ja ŭkładaŭ dušu. A jašče nie chaciełasia niščyć svaimi ž rukami toje, što stvaraŭ padčas papiaredniaj pracy ŭ Licei. Tamu treba było adychodzić», — tłumačyŭ svajo zvalnieńnie «Našaj Nivie» papiarednik Čubaravaj.
«Mikałaj Łukašenka braŭ udzieł u konkursie, ale nikoli nie vučyŭsia». Vialikaja hutarka z byłym dyrektaram Liceja BDU Iharam Varaksam
«Usie padzielenyja na roznyja stupieni łajalnaści». Niełajalnych supracoŭnikaŭ Liceja BDU padzialili na try roznyja śpisy
Płanujucca masavyja zvalnieńni ŭ Licei BDU? Što viadoma
Licej BDU i KDB ładziać sumiesny konkurs. U tym liku pra Fieliksa Dziaržynskaha
Małoje dzicia z Mazyra trapiła na štučnuju vientylacyju lohkich — jaho maci abvinavačvaje daktaroŭ u chałatnaści4
Kamientary