Minčanku, zatrymanuju nibyta za pratesnyja fota ŭ Tinder, chutka pačnuć sudzić razam ź siabroŭkaj
U Minsku ŭ kancy kastryčnika siłaviki zatrymali 29-hadovuju Alaksandru Rybčyk za ŭdzieł u pratestach. Paviedamlajecca, što nibyta nahodaj stali jaje fatahrafii ŭ Tinder, dzie jana padčas adnaho z pratesnych maršaŭ 2020 hoda staić na darozie ź bieł-čyrvona-biełym ściaham.
Taksama siłaviki zajavili, što paśla zatrymańnia minčanki dźvie jaje siabroŭki, ź jakimi jana chadziła na maršy, pasprabavali źjechać ź Biełarusi. Adnoj udałosia vyjechać u Turcyju, ale druhuju 29-hadovuju dziaŭčynu zatrymali na miažy z Polščaj. Mierkavana, havorka idzie pra Kaciarynu Pietušok, paviedamlajuć pravaabaroncy.
Dziaŭčyn abvinavačvajuć pavodle art. 342 KK (aktyŭny ŭdzieł u hrupavych dziejańniach, jakija hruba parušajuć hramadski paradak). Sud nad imi raspačniecca 27 studzienia. Spravu budzie razhladać sudździa Partyzanskaha rajona Minska Alaksandr Supičenka.
Adras dla padtrymki: SIZA-1. 220030, h. Minsk, vuł. Vaładarskaha, 2, Alaksandra Marataŭna Rybčyk, Kaciaryna Ivanaŭna Pietušok.
Kamientary