Si Czińpin u navahodniaj pramovie pahražaŭ Tajvaniu

Staršynia KNR Si Czińpin prademanstravaŭ upeŭnienaść u sabie na fonie ekanamičnych ciažkaściaŭ Piekina i napiaredadni inaŭhuracyi Donalda Trampa, jaki maje namier zaniać žorstkuju pazicyju ŭ dačynieńni da Kitaja, piša The Washington Post.

U telezvarocie Si Czińpin pryznaŭ, što ekanomika Kitaja sutykajecca z «prablemami, źviazanymi ź niavyznačanaściu ŭ źniešnim asiarodździ», ale zajaviŭ, što kraina dabjecca pośpiechu dziakujučy ŭpartaj pracy.

Bravada Si Czińpina kantrastuje z bolš surovaj realnaściu, jakaja čakaje Piekin u 2025 hodzie. Pačynajučy z patencyjnaj novaj handlovaj vajny sa Złučanymi Štatami i zakančvajučy napružanaściu pa abodva baki praliva i zapavoleńniem ekanamičnaha rostu ŭnutry krainy.

Ekanomika ŭjaŭlaje saboj najbolš aktualnuju prablemu dla kitajskich palitykaŭ. Uličvajučy, što ekanamičny rost u 2024 hodzie naŭrad ci dasiahnie metavaha ŭzroŭniu ŭ 5%, ustanoŭlenaha ŭradam, Kitaj sutykajecca z pastajannym biespracoŭjem, asabliva siarod moładzi, a taksama z rostam majomasnaha kryzisu. Pa danych Nacyjanalnaha biuro statystyki, za pieršyja 11 miesiacaŭ minułaha hoda inviestycyi ŭ nieruchomaść ŭpali na 10,4% u paraŭnańni z 2023 hodam.

U svajoj pramovie Si Czińpin padkreśliŭ prahres Kitaja ŭ halinie paŭpravadnikoŭ i štučnaha intelektu, a taksama kvantavych i kaśmičnych technałohij — usio heta stała haračymi kropkami ŭ bolš šyrokaj amierykana-kitajskaj technałahičnaj honcy, pakolki Złučanyja Štaty sprabavali abmiežavać dostup Kitaja da peŭnych vysokatechnałahičnych praduktaŭ.

U svajoj pramovie Si Czińpin taksama zakranuŭ hieapalityčnuju haračuju kropku — Tajvań.

«Suajčyńniki pa abodva baki praliva — heta adna siamja», — skazaŭ jon. «Nichto nie moža razarvać našy kroŭnyja poviazi, i nichto nie moža spynić histaryčnuju tendencyju ŭźjadnańnia Radzimy!»

Heta pieraklikajecca ź jaho vykazvańniami ŭ navahodniaj pramovie ŭ 2023 hodzie, u jakoj jon skazaŭ, što Kitaj i Tajvań «abaviazkova ŭźjadnajucca».

Jaho papiaredžańnie prahučała paśla taho, jak Złučanyja Štaty pavialičyli prodaž zbroi Tajvaniu i paśla bujnamaštabnych vajennych vučeńniaŭ Kitaja ŭ kastryčniku i traŭni vakoł Tajvania. U apošni dzień 2024 hoda Kitaj nakiravaŭ čatyry sudny bierahavoj achovy ŭ zakrytyja vody astravoŭ Czińmeń, jakija kantraluje Tajvań.

• 1
• 0
• 1
• 2
• 0
• 1
• 7
• 0