Jak ukrainskija inžyniery pieratvaryli lohki samalot va ŭdarny bieśpiłotnik, što moža dalatać da Maskvy
Kamiercyjny zvyšlohki samalot staŭ BPŁA dalokaha radyusu dziejańnia — da 1200 km. Takaja dalokaść palotu — daloka za miežami mahčymaściaŭ niamieckaj kryłataj rakiety Taurus. Akramia taho, heta samy vialiki ź viadomych ukrainskich BPŁA-kamikadze: jon moža nieści 200 kh vybuchoŭki.
Jak vyśvietliŭ BILD, havorka idzie pra dvuchmiesny samalot A-22 «Latučaja lisica». Z 1996 hoda ŭkrainskaja kampanija «Aeroprakt» vyrabiła bolš za tysiaču adzinak hetaj madeli.
Pieraabstalavać ich u zbroju ŭkrainskija vajskoŭcy vyrašyli ŭ pačatku 2024 hoda. Samaje hałoŭnaje: ručnoje kiravańnie zamieniena spadarožnikavaj navihacyjnaj sistemaj.
U krasaviku taki dron USU paśpiachova ŭžyli dla ataki na rasijski zavod BPŁA ŭ Tatarstanie; u śniežni — dla vybuchu ŭ štabie śpiecnaza ŭ Hroznym.
Dasiahać hetych celaŭ dron moža dziakujučy nievialikamu ruchaviku, praktyčna niabačnamu dla sistem SPA, radary jakich fiksujuć vyłučeńnie ciapła.
Kali ruchavik rakiety Storm Shadow razahravajecca da 870 hradusaŭ, to ruchavik A-22 — maksimum da 100 hradusaŭ. Radyjołakacyjnuju abaronu A-22 zabiaśpiečvaje śpiecyjalnaja plonka. Jon lacić ź nievialikaj chutkaściu i na małoj vyšyni. Adkazu ŭ rasijskaj SPA pakul niama.
Niedachopam BPŁA źjaŭlajecca ich ścipłaja kolkaść, ličyć ekśpiert BILD pa analizie adkrytych danych Juljan Ropkie. Da hetaha času kampanija «Aeroprakt» mahła vyrabić kala 50 A-22 u hod, i naŭrad ci hety abjom atrymajecca značna pavialičyć.
Dla paraŭnańnia — rasijskija vajskoŭcy časam zapuskajuć bolš za 50 bieśpiłotnikaŭ-kamikadze «Hierań-2» za adnu noč.
Kamientary