U Rasii YouTube pierastaŭ pracavać u vysokaj jakaści amal va ŭsich braŭzerach
Amierykanski videachostynh YouTube ciapier nie prajhraje videa ŭ vysokaj jakaści ŭ bolšaści braŭzeraŭ na terytoryi Rasii, jakija ŭstalavanyja na stacyjanarnych kampjutarach i noŭtbukach, paviedamiła ahienctva TASS.
Prablemy z tranślacyjaj uźnikajuć u Google Chrome, Opera, Mozilla Firefox i Mi Browser.
Pavodle danych ahienctva, pakul karektna pracujuć tolki «Jandeks braŭzer» i Safari, adnak mabilnaja viersija apošniaha pierakidvaje karystalnika ŭ dadatak videachostynhu.
Z 1 žniŭnia karystalniki YouTube u Rasii pačali masava paviedamlać pra rezkaje paharšeńnie pracy chostynhu. Na nastupny dzień servis «Sboj.rf» zafiksavaŭ bolš za 15 tys. skarhaŭ, što značna pieravyšaje zvyčajnyja pakazčyki, jakija trymalisia na ŭzroŭni niekalkich dziasiatkaŭ u sutki.
Niezadoŭha da hetaha kiraŭnik kamiteta Dziarždumy pa infarmacyjnaj palitycy Alaksandr Chinštejn anansavaŭ źnižeńnie chutkaści zahruzki YouTube da 70% u pačatku žniŭnia. Pra heta ž 30 lipienia pačali papiaredžvać mabilnyja apieratary. U toj ža čas aficyjny Kreml śćviardžaje, što, maŭlaŭ, reč tut nie ŭ abmiežavańniach, a ŭ prablemach z abstalavańniem z-za nakładzienych na Rasiju sankcyj.
Krynica ŭ administracyi prezidenta Rasii paviedamiła vydańniu «Hazieta.ru», što dostup da YouTube u hetaj krainie mohuć abmiežavać užo ŭ vieraśni, a zapavoleńnie pracy servisu źjaŭlajecca padrychtoŭkaj da budučaha poŭnaha błakavańnia płatformy.
Siaredniasutačny achop YouTube u Rasii składaje 55,4 młn čałaviek. Rasijskija ŭłady vynošvajuć płany błakavańnia papularnaha videachostynhu z samaha pačatku poŭnamaštabnaha ŭvarvańnia va Ukrainu ŭ tym liku tamu, što jon staŭ hałoŭnaj płatformaj dla apazicyjnaha i antyvajennaha paradku dnia.
Stała zrazumieła, čamu kiraŭnik biełaruskaha Ernst&Young nie zmoh asabista raźvitacca z kalektyvam4
Kamientary